Време за коктели?

Летото е годишно време кое не мами да живееме полуксузно. Штом Сонцето се појави, сите одиме да ги миеме колите, купуваме тренди парчиња...

 

...нови чевли и штикли, секако – наочари и седнуваме во некои од фенси кафулињата каде наместо стандардно пиво – нарачуваме коктел.

Коктелите завладеаја со шанковите прен неколку десетици години и се сметале за луксузен пијалок.

Тие се омилени кај женската популација, затоа што полесно се пијат и не додаваат непријатен здив како пивото, туку само нијанса на синтетизирана овошна арома.

Мажите пак ги сакаат коктелите затоа што со нив се чувствуваат вани.

Чашите за коктели се големи, а на нив стои некое чадорче или украсна сламка и гранче од некоја билка.

Коктелите се вистинска мајсторија на коктел мајсторите кои мора да имаат дебели нерви за да ги ислушаат сите муштерии на кои не им одговара баш таа состојка која ја ставиле во коктелот.

Вистинските коктел мајстори се сметаат и за големи шоумени кои прават вистинско шоу вртејќи ги шишињата и чашите додека ги подготвуваат коктелите.

Најчесто од мерак пробуваме еден коктел, а потоа расте желбата да пробаме колку е можно повеќе различни коктели за на крај да завршиме дома во кревет со намалена меморија за минатата вечер.

Коктелите ако се пијат правилно наместо да се “локаат“ знаат да бидат вистински освежителни во месеците кога температурите се високи.

Кои се ваши омилени коктели?