Дали луѓето кои јадат месо се посреќни?

Нема сомнеж дека јадењето премногу црвено месо може да доведе до многу здравствени проблеми, како што се дијабетес, дебелина, зголемен ризик од заболувања на срцето… 

Но само замислете свет во кој никогаш повеќе нема да можете да вкусите месо... Ова значи дека може да заборавите на чизбургери, пица со кулен или вкусна скара.

Многумина од вас мислат дека ако се откажат од месото, тоа веднаш ќе значи дека водат подобар живот.

Сепак, според научните истражувања на таа тема, тоа не е така во реалноста. Напротив, луѓето кои не консумираат воопшто месо се подепресивни.

Истражувањето спроведено на Универзитетот Бристол заклучило дека вегетаријанците и веганите имаат повисоко ниво на депресија за разлика од луѓето кои јадат секаков вид на храна, вклучувајќи го и месото.

Истражувањето било спроведено врз повеќе од 10.000 Британци, од кои 350 биле вегани или вегетаријанци. Тие 350 вегани/вегетаријанци покажале повисоко ниво на депресија во споредба со просекот на остатокот од луѓето што јаделе и сланина, сендвичи и пилешко.

Според истражувачите, причината за негативните ефекти на менталното здравје на вегетаријанците е недостатокот од витамини и минерали во нивната диета.

Недостатокот на витамин Б12 е поврзан со недостаток од месо во исхраната, а консумирањето на големи количини на јаткасти плодови може да доведе до повисоки нивоа на омега-6 масни киселини, кои се знае дека влијаат на расположението и се поврзани со проблеми во менталното здравје.

Покрај ова, истражувањето покажало и дека: „Намаленото внесување на морска храна се верува дека е поврзано со зголемен ризик од симптоми на депресија. Други потенцијални фактори за ова вклучуваат високо ниво на фитоестрогени во крвта, кои се содржат главно во диети базирани на зеленчуци и соја“.

Уште едно истражување во Германија, исто така заклучи дека има поврзаност помеѓу депресијата и веганската диета.

Истражувањето било извршено на 4.100 луѓе и се заклучило дека веганите и вегетаријанците имаат 15% повисоки предиспозиции за депресија.

(О)Милена | Црнобело