До која возраст е нормално децата да живеат со родителите во различни земји низ светот?

Велика Британија

Исто и во оваа земја, со започнувањето на студиите, нормално е да се напушти домот на родителите. Секако, тоа зависи и од околностите и дозволено им е да останат дома доколку родителите имаат голема куќа.

Но, сепак, до 24-годишна возраст веќе сите почнуваат да живеат одвоено иако тоа не значи дека се целосно финансиски независни.

Франција

Повеќето деца во Франција се одвојуваат од домот на родителите веднаш по училиште, односно на 18 години. Ова важи и за Парижаните кои го напуштаат градот бидејќи има добри универзитети низ целата држава, а живеат во студентски домови или изнајмуваат станови со пријатели.

Германија

Повеќе од пола млади во Германија на возраст од 24 години живеат со родителите, а веќе над 25-тата година се смета дека треба да се иселат и да почнат да се грижат сами за себе.

Статистиките покажуваат дека на 40-годишна возраст само 4% од мажите и 1% од жените уште живеат со родителите.

Шведска

На 18 години, по завршување со училиште, младите Швеѓани изнајмуваат свои станови, најчесто  во истиот град каде што живеат родителите и не ги нарушуваат семејните врски. Така тие се учат на независност и брзо учат да менаџираат со парите.

Јапонија

Децата во Јапонија се одвојуваат од родителите по завршувањето на факултет или откако ќе се венчаат. Семејствата сакаат да живеат одвоено и секој да умее да се грижи за себе, иако постојат исклучоци, но се ретки.

Во Јапонија нема бесплатно школување, а стипендиите не ги покриваат сите трошоци, па повеќето студенти мораат да заработуваат пари за да живеат.

Македонија

Во нашата земја пак, не постојат правила во врска со тоа, сè зависи од околностите. Некои кои имаат можности живеат сами уште додека се помлади, други пак остануваат со нивните родители додека студираат, а има и такви кои не се иселени и до 30-тата година, без разлика дали работат или живеат на грбот на родителите.

Најчесто децата во Македонија се иселуваат од дома после свадбата и живеат сами со партнерот, а понекогаш, продолжуваат да живеат сите заедно. 

М. М. | Црнобело