Кога спортот и интелигенцијата одат заедно: 7 спортови што го тренираат мозокот

Дали сте знаеле дека тенисот се нарекува „шах во движење“ и дека качувањето по карпи ви ја подобрува оперативната меморија?

Тие што редовно спортуваат, знаат дека секој тип на тренинг има различни ефекти на сите мускулни групи. Но, малкумина знаат дека спортувањето директно го погодува и мозокот, активирајќи разни центри и помагајќи му подобро да се справи со задачите.

Спортовите не само што може да ве направат посилни, туку може да ве направат и поуспешни.

Како тие влијаат врз вашиот мозок?

Тимски спортови

Сите тимски спортови придонесуваат за развојот на аналитичкото размислување и брзите реакции и ви ја подобруваат вештината за работа во тим.

Ваквата игра бара комплексна координација и движења, вештини на концентрација и насочено внимание.

Трчање на долги патеки и голф

Сигурно ви изгледа дека нема ништо заедничко помеѓу овие два спорта, но тоа е само на прв поглед. И брзото трчање и „бавниот“ голф придонесуваат за активен развој на стратешкото размислување.

Во спротивно како ќе издржите да трчате десетици километри или пак да погодите токму во дупката на теренот? Инаку, Бил Гејтс е страстен голф играч.

Тенис

Дали сте знаеле дека тенисот се нарекува „шах во движење“?

Покрај издржливоста, тенисерите имаат одлични вештини за предвидување на дејствата на противникот, а исто така знаат во дел од секунда за да ја разберат и оценат траекторијата на топката.

Јога

Главната придобивка од јогата е хармонизацијата на мислите и емоциите, способноста за фокусирање на главната работа и отфрлање на неважните, што е екстремно потребна вештина во овој проблематичен свет.

Мирот на умот е клучен во секој бизнис.

Kачување на карпи

Сите спортови каде е потребно да се движите и да размислувате едновремено, се совршен тренинг за оперативната меморија, што ви овозможува брзо да ги искористите примените информации.

Пливање, велосипедизам и други кардио тренинзи

Очигледна придобивка од возењето велосипед, пливањето и други слични физички активности се стекнувањето издржливост и развојот на мускулите на речиси целото тело.

При тренинзите од овие спортови, циркулирањето на крвта во телото се зголемува, како резултат на тоа заситената крв со кислород, хормони и хранливи материи, брзо влегува во мозокот.

Тренинзи за сила

Тренинзите за сила првенствено се гледаат како наменети за мажите, но тоа е сериозна грешка.

Секој тренинг за сила ја стимулира работата на префронталниот кортекс, кој е одговорен за сложеното размислување, способноста за мултитаскинг и способноста да ги пронајдете вистинските аргументи и да ја браните својата позиција.

С. С. | Црнобело