Зад вратите на харемот: Како живеат жените во арапските земји?

За животот на арапските жени има толку многу стереотипи и верувања, што веќе не знаеме во што да веруваме, а што е измислено и преувеличено.

Полигамија и хареми, или целосна моногамија, недостаток на едукација и недостаток на легални права и еднаквост, се само дел од елементите поврзани со нивниот живот.

Па, доколку досега ве интересирало како изгледа животот на една убава и мистериозна жена од Истокот, дознајте во продолжение:

Договор за брак

Половина од браковите во многу арапски земји се базирани на желбата на родителите. Многумина веруваат дека никој не се грижи за мислењето на девојките, но сепак многу често тие имаат можност да одбијат доколку не им се допадне мажот.

Договорот за брак мора да биде потпишан, за разлика од останатите земји.

Во повеќето арапски земји, минимална возраст на младоженците за брак е 18 години, иако има многу земји каде се венчаат и пред 18.

Какви се свадбите?

Традициите се разликуваат во зависност од земјата, но најчесто младоженецот и невестата ја слават свадбата одвоено.

Свадбата на мажот може да се слават и во истиот ден како на невестата и најчесто се едноставни – чај, кафе, ручек и дружење – не повеќе од 4 часа.

Свадбата на жената е прилика да се покажат дијамантите, дизајнерските чевли и вечерните фустани. На мажите им е строго забрането да бидат дел од оваа прослава, а дури и персоналот е составен само од жени.

Доаѓањето на сопругот се соопштува однапред за жените да можат да се засолнат. Дури и ако мажот дојде со браќата или таткото, невестата треба да се покрие со хиџаб, бидејќи дури и мажите од семејството не смеат да ја видат нејзината убавина.

На свадбата не е вообичаено да се даваат пари или домаќински апарати, па наместо тоа на невестата најчесто ѝ се подарува накит.

Полигамија

Повеќето бракови се моногамни и не секој Арап може да си дозволи полигамија. Исламот дозволува до 4 сопруги, но на секоја од нив мора да ѝ се обезбеди сопствен дом, еднакво да бидат дарувани како со внимание, така и со накит и други работи. Ова е привилегија која можат да си ја дозволат шеиците и богатите луѓе.

Првиот брак е најважен, без разлика на тоа колку жени има мажот. Првиот е оној кој го сметаат за голем и најважен.

Развод

Мажите кои сакаат да се разведат од жената, можат во секое време да ѝ кажат да си оди. Жената веднаш ќе ја напушти куќата само со работите кои се моментално на неа.

Токму затоа, жените го носат златото постојано на себе, иако разводите на иницијатива на мажот се многу ретки. По правило, децата остануваат со таткото по разводот.

Жените можат да поднесат барање за развод ако мажот не се грижи за нив добро. Ваквите изјави се разгледуваат внимателно од судот и најчесто ги прифаќаат.

Во арапскиот свет, мажите не треба да ја искажуваат љубовта со купување цвеќе, туку со накит и злато. Тој треба да ја носи во ресторани и да ѝ купува скапи подароци и облека на жената.

Облекување

Жените треба да го кријат телото во широка и долга облека, а исто така и лицето треба да им биде покриено кога излегуваат надвор, бидејќи нивната убавина ја чуваат само за нивниот сопруг. Исклучок се женските прослави, каде мажите немаат дозвола за присуство. Сепак, овој обичај не важи за во сите арапски земји.

Кувајт е единствената арапска земја каде жените се облекуваат нормално и не мора да се покриваат, но сепак изборот на облека треба да биде скромен и позатворен.

Образование и работа

Ако жената сака да се едуцира, тоа не е забрането и многу девојки имаат можност да учат во странство. На пример, во Соединетите Арапски Држави, 77% од девојчињата по завршувањето на средно образование, продолжуваат со високо образование.

М. М. | Црнобело