Дали младите парови кои живеат заедно се склони кон дебелеење?

Паровите кои започнуваат заеднички живот додека се помлади, без разлика дали се во врска или веднаш по брак, често накачуваат килограми, според истражувањата.

Истражување спроведено од научници на универзитет во Глазгов, покажува дека во првата година заеднички живот, младите брачни парови просечно добиваат плус 2 килограми, а оние кои живеат заедно пред брак се здебелуваат уште побрзо, на 3 месеци по околу 1,8 килограми.

Нутриционистката која го водела истражувањето изјавила дека откако паровите започнуваат живот во заедница, фокусот во нивната врска се пренасочува на храната, бидејќи заедно јадат и ги делат меѓусебните навики.

Многу од нив немаат стекнато вештини за готвење, па често нарачуваат брза храна или јадат надвор, бидејќи моментално тоа ги исполнува и ги прави среќни, без притоа да размислуваат на долгорочен план.

Тие истовремено стануваат и помалку активни, а престануваат и да водат сметка за љубовните состаноци и заведувањето, па со тоа помалку вежбаат и помалку се грижат за своето тело, а си дозволуваат секакви задоволства со храната бидејќи се поопуштени.

Затоа, младите парови на почетокот на заедничкиот живот, треба да внимаваат на телесната тежина, бидејќи нејзиното зголемување и дебелеењето е лошо за самодовербата, па тоа може негативно да влијае на врската, како нагла промена.  

М. М. | Црнобело