Трикови како да се сликате за документи, за да не се срамите од фотографијата

Кажете им стоп на кревањето на брадата, повлекувањето на главата назад и низа други неприродни потези.

Дали кога ќе ви ја побараат личната карта срамежливо ја подавате со шеговита напомена „Само не ми ја гледај сликата“? Најверојатно слична е ситуацијата и со пасошот, возачката дозвола и низа други документи.

Најчесто на овие фотографии испаѓаме како да сме застанале во ред за стрелање.

Сепак, не очајувајте, постојат неколку едноставни правила кои ќе ви помогнат како да испаднете поубаво на наредното фотографирање за документи.

Како да се сликате за документи за да не се срамите од фотографијата:

Не ја кревајте брадата

Една од најчестите грешки е што сакајќи да изгледате исправено на фотографијата ја кревате премногу брадата додека позирате, па изгледа како вашите ноздри да „зјапаат“ директно во камерата.

Фотографијата изгледа тензична и неприродна, а оваа поза прави брадата да ви изгледа масивно и во додава килограми.

Наместо ова подобро е благо да ги спуштите рамениците без да ја ставате главата во неприродна положба.

Не ја повлекувајте главата назад

Ако ја повлечете главата премногу назад, ризикувате на фотографијата да имате двојна брада.

За долниот дел од лицето да ви изгледа поубаво, издадете ја вашата брада благо напред и многу малку навалете ја главата надолу.

Воздржете се од широка насмевка

Според модерните стандарди присвоени во многу земји, меѓу кои е и Македонија, широката насмевка се смета за несоодветна за документи затоа што може да ги наруши фацијални карактеристики.

Но, блага насмевка е прифатлива. Само нежно поткренете ги краевите на устата.

Не се муртете

Честа причина за лошиот резултат од фотографиите за документи е муртењето. За да го спречите ова, благо поткренете ги очите, како нешто пријатно да ве изненадило.

Овој метод ќе ви ги направи очите поголеми, а погледот повпечатлив.

Сепак, не претерувајте за да не изгледате како штотуку да сте доживеале некаков шок.

Погрижете се за косата

Направете уреден стајлинг. Избегнувајте фризури што одат многу нагоре и долги шишки.

Според стандардите, на официјалните фотографии косата не треба да ви ги покрива веѓите и очите и лицето треба да ви биде отворено.

Тие што имаат сосема избричена глава, треба да се погрижат главата да не им сјае.

Носете умерена шминка

Најважно е да избегнувате шминка со бисерна текстура и сјај, како што се сјаеви за уста, светкави сенки итн. Во комбинација со блицот може да предизвикаат отсјај на фотографијата и да изгледате постаро. Идеални се мат тоновите.

Исто така, обрнете внимание на правилно стилизирање на веѓите и трепките, затоа што ако не ги нагласите на фотографиите овие делови од лицето може да бидат незабележливи.

Ставете кармин во мат нијанса во боја слична на вашата природна боја на усни. Не ставајте премногу блед, ниту премногу силен.

Изберете го вистинскиот аутфит

На официјалните фотографии во најголем дел го има вашето лице, па аутфитот речиси и не се забележува што значи дека нема потреба премногу да се дотерувате.

Масивниот накит е несоодветен, па големите обетки и ѓердани оставете ги за друга пригода.

Идеално е монохроматска комбинација како црна маичка и сако.

С. С. | Црнобело