Прчење, гризење, стискање: Какви сигнали праќаат усните за туѓите мисли и чувства?

Доколку сакате да дознаете како соговорникот се чувствува, или, пак, што мисли за вас, само набљудувајте ја положбата на неговите усни. Без ни изустен збор, тие ќе ви откријат сѐ. 

Положбата на усните открива многу за мислите и чувствата на нашите соговорници. Па, ако им обрнете внимание, лесно е да донесете заклучоци, кои можеби не би ги извеле од зборовите.

Во продолжение, прочитајте каков сигнал праќаат различните положби на усните:

Прчење на усните

Најчесто е знак е дека личноста со која разговарате не се сложува со вас. Благо напрчените усни, вообичаено сигнализираат дека соговорникот има формиран став во главата, којшто противречи на она кое во дадениот миг го говорите вие. Колку повеќе ги прчи усните, толку помалку се согласува со вашето мислење.

Гризење на усните

Ако личноста нежно ја загризе усната, тоа е сигнал дека нешто сака да ви соопшти, но од некоја причина се колеба. Потполно сеедно е дали ја грицка горната или долната усна. Колку посилно ја загризува, толку повеќе се воздржува да ги изговори зборовите, заради кои можеби ќе се покае.

Стискање на усните

Ова е јасен знак дека личноста не сака да зборува на одредена тема, ама свесна е дека многу веројатно ќе мора да го направи тоа. Па, доколку разговарате со личност од која сакате да извлечете некаква информација, тогаш е вистинското време е да ја притиснете. Луѓето најчесто ги стискаат усните непосредно пред признанието.

M. A. | Црнобело