10 ситуации во кои е нормално да ја вратите нарачаната храна во ресторан

Нема кој се нема исфрустрирано ако нарача совршена порција во ресторан, но добие нешто што нималку не наликува на тоа што било наведено или пак на фотографијата во менито.

Што да направите за да ја добиете порцијата која ја посакувате, без да го навлечете гневот на персоналот врз себе? Ова воопшто не е лесна задача, бидејќи може да бидете погрешно сфатени или да влезете во конфликт со келнерот, иако сте немале таква намера.

Сепак, постојат 10 ситуации во кои сосема сте во право да ја вратите порцијата:

1. Парчето месо не е подготвено онака како што нагласивте при порачувањето.

2. Храната е изгорена.

3. Храната не е доволно зготвена.

4. Сте нарачале храна која содржи алерген, но тој не бил наведен во менито.

5. Јадењето е луто или презачинето, иако тоа не било нагласено во менито.

6. Добивате нешто што не сте го нарачале.

7. Пронајдовте влакно (или некој друг телесен остаток) во чинијата, кој не е ваш.

8. Деловите од порцијата не се со иста температура - на пример месото е топло, но прилогот е премногу ладен.

9. Сте добиле порција со големина на предјадење, иако сте нагласиле дека е за главно јадење.

10. Во храната има премногу сол.

Доколку сте доживеале некоја од овие ситуации, а не сте реагирале, имајте на ум дека следниот пат ако се случи такво нешто, можете да побарате да ви биде заменета порцијата или да ја вратите.

Е. Д. | Црнобело