Од девојката што мрази теретана: Искрено писмо до згодната девојка што ми го украде момчето

„Не се сложував. Му велев дека најдоброто за нас допрва треба да дојде. Плачев на предното седиште од неговиот автомобил, но тој веќе те имал запознаено тебе...“

На интернет вирално кружи писмо од девојка која партнерот ја оставил поради друга поатрактивна девојка.

Писмото, кое предизвика низа коментари, гласи вака:

Драга божице на Инстаграм,

„Вистина е ме остави поради тебе и ми го скрши срцето.
Но, вистина е и дека ти повеќе му прилегаш отколку јас.

Тој беше зависник од теретана, а јас од чоколадо. Тој ми се лутеше дека не сум доволнo одлучна околу режимот на исхрана и живот и ми се смееше кога не ме собираа фармерките.
Обожавав да јадам и кога ќе ме предупредеше му кажував дека ова ми е токму тој ден кога смеам да „мамам“ со грицки и благо.
Тој имаше строга неделна рутина, јас сакав спонтаност. Јас му се смеев како работите околу изгледот ги сфаќа толку сериозно.

Мене не ми пречеа разликите, но него му пречеа.
Јас не го сакав затоа што е висок и мускулест. Воопшто не ми беше грижа за неговите мускули. Му ја сакав топлината, смислата за хумор и заразниот ентузијазам.

Се смеевме колку сме различни. Тој ми велеше дека ќе се бори да успееме, но еден ден ми кажа дека не сака да се обидуваме повеќе и ми раскина.
Не се сложував. Му велев дека најдоброто за нас допрва треба да дојде. Плачев на предното седиште од неговиот автомобил.
Знаеше дека мразам клише фрази и сепак ми го кажа најголемото клише: „Не е до тебе, до мене е.“

Потоа сфатив дека не сака да биде со мене. Се помирив.

Тој ќе продолжи со својот строг режим на исхрана, а јас повторно нема да внимавам што јадам.
Сфатив дека ме остави поради тебе. Ти си апсолутно прекрасна. Имаш совршен тен, сјајна коса и убиствени стомачни мускули.
Ти си 10-ка, јас сум едвај седумка. Тој отсекогаш лајкуваше фотографии на атрактивни девојки како тебе.

Но, едно нешто ме замисли. Кога се разделувавме со него ми кажа: „Ќе видиш каков ќе бидам наредната година, уште помускулест.“ Во тој миг јас не размислував како ќе изгледам наредната година, ниту како изгледам во моментот. Мислев само колку многу го сакам. Колку многу сакам да ги поправам работите. Колку многу сакам да работам на врската.

Се гушев во солзи. Бев збунета, повредена и полна со каење за своите грешки во времето минато заедно. Дури си го поставив прашањето: „Дали ако одев во теретана ќе останевме заедно?“ Мислев „Дали ако ставав повеќе шминка ќе ме сакаше повеќе?“...
Генерално, како и сите жени се обвинував себеси.
Тој сè уште останува една од омилените личности што сум ги запознала во животот. Испадна површен. Сфатив, навистина не беше вистинскиот за мене.

Од срце ви посакувам сè најдобро.“

С. С. | Црнобело