Јапонците имаат сè, па дури и некој што ќе даде отказ место нив

Давањето отказ не е нешто што го правиме секој ден, а не е ниту лесно да го соопштиме на работодавецот и колегите.

Многумина останале на работно место што не им одговара само затоа што не собрале храброст навреме да си заминат. Исто така, воопшто не е пријатно да му се каже на работодавецот дека што и да понуди, не може да ве задржи на сегашното работно место.

Но, Јапонците нашле решение и за тоа.

Една јапонска старт-ап компанија со симболично име „Exit“ нуди услига да даде отказ место работникот. Тие подготвуваат целосна документација и говор и го посетуваат работодавецот и му соопштуваат дека неговиот работник веќе нема да работи за нив.

Според основачот Тошојуки Нино, ова е олеснувачки и за шефот и за вработениот, бидејќи ја нема непријатноста од директна средба и презентирање на причините.

Оваа услуга ја наплаќаат 450 долари, а доколку имаат постојан клиент, одобруваат попусти и до 90 долари од отказ.

Како функционира тоа?

Откако работникот ќе ги ангажира, тие имаат за задача само да му соопштат на работодавецот и да го информираат клиентот за тоа дали има одредени барања за неговото преостанато време во компанијата.

Правните формалности не се во нивниот домен и тоа го средуваат двете засегнати страни.

Зошто ова започна токму во Јапонија?

Јапонците имаат традиција на лојалност, а отказот не е знак на нешто такво. Затоа, секогаш е полесно некој друг да го направи тоа наместо нив.

Често се случувало работникот поради грижа на совест и поради добрата воспитаност да подлегне и да остане во фирмата. Токму ова, било инспирација за создавање на фирма која нуди услуга да го направи тоа наместо работникот.

Е. Д. | Црнобело