Неверојатна приказна за скромниот милионер Марсел Амфу и неговата сопруга спонзоруша

Тој имал милиони, но живеел во колиба без вода и струја и изгледал многу непривлечно кога 25 години помладата атрактивна парижанка се заинтересирала за него. Неговата смрт останува мистерија.

Во француското шоу „Héritages“ повторно се актуализира приказната за францускиот милијардер Марсел Амфу и неговата сопруга Сандрин Девилард, која беше 25 години помлада од него. Инаку Марсел почина во 2012 година во сообраќајна незгода, а битката околу неговото наследство Сандрин ја водеше долго потоа, но остана со празни раце.

Долго време 68-годишниот Марсел живееше мирен живот на француските Алпи во мала дрвена колиба без вода и струја.

Благодарени на едноставниот стил на живот, тој успеал да стекне огромно богатство во текот на годините. Станал сопственик на големо земјиште на Алпите, особено во близина на малото француско село  Puy-Saint-Pierre.

Идеалната локација со ски ресорт со идилични зимски пејзажи и луксузни хотели направила вредноста на земјиштетото на Марсел вртоглаво да порасне, но тој никогаш немал желба да го продаде и продолжил со скромниот стил на живот.

Секој што ќе видел како живее немало да претпостави дека имал милиони. Марсел го споделувал богатството само со неколку најблиски роднини и пријатели.

Изградил скромни куќи на неговиот имот и на неговите блиски им дозволил да живеат во нив бесплатно.

Жените никогаш не биле заинтересирани за непривлечниот Марсел. Но, кога една атрактивна русокоса се појавила во неговиот живот сè се променило.

Сандрин Девилард, добропозната жена од Париз,  чукнала на вратата на неговиот дом во 2010 година. Му објаснила дека е брокер и дека е заинтересирана да го купи земјиштето кое го поседувал. Марсел одбил.

Потоа на изненадување на сите двајцата стапиле во врска. Марсел бил пресреќен, а луѓето од околината знаеле дека Сандрин е со него само поради парите. Само една година подоцна стапиле во брак.

Церемонијата била во Puy-Saint-Pierre, село кое има само околу 500 жители и се наоѓа во долина обиколена со прекрасни снежни врвови. Селаните кога виделе како Сандрин доаѓа елегантно облечена на свадбата со скап фустан знаеле дека нема искрени намери. До неа стоел неугледниот Марсел кој иако имал милиони носел стар костум, немал заби и имал неисчешлана коса.

По свадбата Сандрин продолжила да живее во Париз, наводно поради работните обврски, а Марсел си живеел во неговата колиба на Алпите. Иако биле тазе венчани, едвај се познавале. Сепак, Сандрин велела дека го посетува сопругот колку што може почесто и му носи насмевка на лицето.

Една година по свадбата Марсел загинал во сообраќајна незгода со Сандрин и нејзини двајца пријатели. Марсел умрел додека Сандрин и нејзините пријатели преживеале.

Локалното население гласно протестирало дека сигурно таа има нешто со незгодата и смртта на Марсел, но немало докази и останало само на гласини.

Сандрин плачела на скромниот погреб на Марсел, но никој не ѝ верувал. Таа мислела дека е единствената наследничка на милионите на Марсел и веднаш планирала да го продаде земјиштето.

Но, кратко пред смртта Марсел го променил тестаментот и сите свои пари им ги оставил на роднините и пријателите. Сандрин не добила ништо и ужасната од ситуацијата тужела на суд.

Но, по години судење било докажано дека потписот на Марсел на тестаментот е веродостоен и дека Сандрин навистина останува со празни раце.

Иако, сите мислеле дека љубовта на прв поглед го заслепела Марсел, тој сепак го задржал рационалниот ум, а Сандрин го добила тоа што го заслужува.

С. С. | Црнобело