Зошто модринките ја менуваат бојата и уште 5 информации за тие што сакаат да знаат сè

Кое суштество е бесмртно?

За видот медуза Turritopsis Nutricula се смета дека може да биде бесмртна. Ова мало суштество кое достигнува дијаметар од 5 милиметри, по достигнувањето на старост се населува на дното на морињата и се претвора во израсток обложен со хитинозна кутикула.

Потоа на него се појавуваат пупки од кои се развиваат нови медузи, а интересно е што таквиот циклус може да се повторува неодредено време.

Овие неверојатни медузи може да умрат само ако завршат во устата на некој предатор или поради некоја болест, но биолошки гледано се бесмртни затоа што нивните клетки немаат ограничен број на делби, како кај човекот кај кој границата е во просек 52 циклуси.

Зошто облеката кога е влажна станува потемна отколку кога е сува?

Откако ќе се навлажни, на површината на облеката се формира слој која не ја менува бојата на материјалот, но ја менува перцепцијата за неговата боја.

Инаку, бојата ја перципираме преку начинот на кој светлината се рефлектира од неговата површина, па оттука е и промената.

Зошто навечер сме пониски отколку наутро?

Навечер стануваме пониски за 1, 2 сантиметри поради нашите меѓупрешленски (интервертебрални) дискови.

Во текот на денот, под влијание на гравитацијата, тие се собираат, а во текот на ноќта се враќаат во првобитната состојба, па поради тоа висината на личноста се менува. Но, по големо физичко истегнување, може да бидеме и до 3 сантиметри повисоки.

Инаку, астронаутите имаат уникатна можност брзо да пораснат. Во мигот штом се ослободат од земјината гравитација и се најдат во вселената тие стануваат повисоки во просек за 5 сантиметри. Но, ефектот трае сè додека не се вратат дома.

С. С. | Црнобело