8 работи кои луѓето ги откриваат за вас на првата средба

Осамени сте и под огромен стрес, а сметате дека со широката насмевка го криете тоа, но не е така. Постојат сигнали со кои вашето тело ве издава.

Дали некогаш сте се запрашале што мислат луѓето за вас? Можеби мислите дека сте експерт во криењето на чувствата, но дали е навистина така?

Понекогаш говорот на вашето тело и начинот на зборување откриваат многу ваши тајни мисли и чувства. Уште во првата минута на средбата вие сте „соголени“ пред соговорникот и тој според тоа одлучува дали може да ви верува или не.

Работи кои луѓето ги забележуваат уште при првата средба:

Нарцисоидност

Малку луѓе сакаат да си имаат работа со луѓе кои се луди по сами себе. Симптоми на нарцисоидна личност:

- огромно внимание на изгледот, облеката и нетолерирање на несовршеностите,

- кршење на правилата и гордост на тоа,

- чуден микс на несигурност и преголеми очекувања.

Стрес

Дури и тотални странци може да забележат кога имате „жаба на душата“. Вие нема потреба да им кажете и да плачете пред нив, постојат сигнали кои ве издаваат како:

- подигнати раменици, тензија во пределот на вратот и брадата, кои се штитот на вашето тело што се формира несвесно во стресни ситуации,

- прекумерно потење и влажни дланки, кои говорат за возбуденост.

Осаменост

Не е потребно да сте психијатар за да забележите осамена личност. Дел од симптомите се:

- агресивен стил и агресивен пристап дури и при шегите за својот љубовен статус,

- воодушевување на материјални работи како автомобил или телефон, наместо на луѓе,

- студени раце – осамените луѓе имаат пониска телесна температура отколку дружељубивите.

Несигурност

Мотото на несигурните личности е „Не сакам да ги навредам другите“. Тие ставаат маска на добра и мирна личност, иако сонуваат да „задават“ некого. Но, луѓето го забележуваат тоа преку некои знаци:

- подготвеност за страдање само за да се остане незабележан, нема жестоко барање на своите права,

- правење шега на сметка на своите недостатоци, како малата плата, само за другите да се забавуваат.

- „извини“ е омилениот збор и користење како штит да не се предизвика незадоволство кај другите.

Уште 4 работи на следната страна...