Пријателствата траат 7 години

Се чини дека седмата година не е кобна само за љубовните врски туку и за пријателствата. Имено, после 7 години, половина од личностите кои ги...

 

...вбројуваме во својот круг на пријатели исчезнуваат.

Добра вест е дека во меѓувреме стекнуваме нови пријателства. И тие имаат рок на траење?

Не можеме сите личности во животот да ги сметаме за пријатели. За полесно да ги категоризираме, социологот Gerald Mollenhorst од Холандија кој го правел истражувањето на оваа тема, одредил дека во пријатели ги вбројуваме личностите со кои делиме важни приватни информации, кои се тука кога ни треба помош и кои ненајавено можат да ни дојдат на гости.

Според него, секое четврто пријателство се остварува во кругот на семејството, а потоа доаѓаат познанствата склопени на работното место, во разни организации и клубови, училиште, факултет и соседството.

За зачувување на постоечките пријателства многу важна улога играат средбите во реалниот живот (не муабети на социјалните мрежи и воопшто он-лајн).

Заедничко хоби, излегувања, дружби надвор од работното време ги зацврстуваат односите и ги одржуваат стабилни. Пријателствата може да „пукнат“ кога со другите личности не се гледаме подолго време.

Додека на почетокот за личноста не врзуваат заедничките интереси, со тек на време тие не се доволни. За да се одржи односот потребно е дружење и гледање. На постоечките пријателства негативно влијаат и новите познанства.

Кога почнуваме да се дружиме со нови личности, со тек на време се помалку се гледаме со поранешните пријатели. За жал, секој трет, после 7 години останува во добри односи со старите пријатели.

Изгледа дека пријателите не смееме да ги земаме здраво за готово.