Дали постои матријархат во 21-oт век?

Матријархат се дефинира како владеење на матријархот, т.е. жената, над семејство, заедница или државата. Една од одликите на матријархатот е и матрилинеарноста, но и патријархалните општества можат да бидат матлинеарни, како и матрилокални. 

Матрилинеарните општества своите предци ги паметат според женската линија преку која се наследуваат и семејните добра. Еден од најпознатите примери од минатото на ваквото општество се Амазонките од грчките митови. Но дали постои матријархатот и во 21-от век?

Митот за првиот матријархат е сè уште само мит. Во 19-от век, Јохан Бахофен, ја толкувал грчката вербална историја како доказ за постоење на матријархатот во далечното минато.

Сепак, тој додавал сопствени вредности на оваа студија, пишувајќи за романтизираната слика на жената и нејзината извонредност и морална чистота, додека Амазонките ги сметал за екстремни.

Во отсуство на археолошките докази на ова мислење успешно му се спротивстави мислењето за првите патријархални општества за кои има неспоредливо повеќе примери.

Митовите за матријархатот се користат во многу култури со цел да го зајакнат патријархатот. Иако немаат никаква поддршка во фактите, во најдобар случај сакаат да го ограничат пристапот на жените до повисоки позиции во социјалната хиерархија и духовните тајни и ритуали.

Ова се некои заедници што постојат денес кои имаат некои карактеристики на матријархатот:

Минангкабау

Ова е заедница од 4 милиони луѓе кои живеат во западна Суматра. Тие се најголемата матрилинеална заедница која постои денес. Племенските закони бараат целиот имот да биде во сопственост на жените, а истиот да биде префрлен на женското потомство.

Жените владеат со домаќинството, додека мажите ги преземаат улогите на политичките и духовните водачи. После бракот секоја жена добива одделна просторија за спиење. Мажот може да спие со неа, но мора да си оди рано наутро да има појадок во домот на својата мајка.

Иако главата на заедницата е мажот, жените го бираат и можат да го сменат ако не ги исполнува очекувањата.

Акан

Народот Акан го сочинува мнозинството во Гана. Тие се структурирани според мајчински кланови кои го дефинираат идентитетот, наследството, богатството и политиката.

Основачите на овие кланови се жени, но мажите имаат позиции на лидери во народот.

Сепак, овие позиции се наследни преку мајките и сестрите. Од мажот се очекува да се грижи не само за неговото семејство, туку и за семејствата на неговите роднини од женско крвно сродство.

Брибри

Брибри се мала домородска група од околу 13 илјади луѓе кои живеат во резерватот во кантонот Таламанка, во Лимон, провинција Костарика.

Како и другите матрилинеарни заедници организирани се во кланови, кои се составени од пошироки семејства и се определени од мајка или од женски член.

Само жените можат да ја наследат земјата. Тие, исто така, имаат право да подготвуваат какао што се користи во нивните свети ритуали.

Гаро

Народот Гаро е тибетско-бурманска етничка заедница која живее во индискиот потконтинент, во индиските држави Мегалај, Асам, Трипура, Нагаланд и Бангладеш.

Тие се матлинеарна, но не и матријархална заедница. Мажите управуваат со заедницата и со имотот, а сопственоста се пренесува преку мајчината линија.

Децата го преземаат презимето на мајка си. Бракот не е цврсто обврзувачка заедница и може да се прекине без негативни социјални последици.

Ашера | Црнобело