Научете која канта за што е - Што се фрла во сината, а што во зелената?

Кога пред вас ќе видите повеќе канти во различни бои може да биде збунувачко, ако не знаете точно што каде се фрла и рециклира.

Што се фрла во која канта?

Во сината се фрла:

Списанија, проспекти, каталози, книги, тетратки, телефонски именици, сликовници, писма, мапи, картонски фасцикли, картонски кутии без лепак.

Во сината НЕ СЕ ФРЛА:

Индиго хартија, фотографии и фото хартија, валкана хартија, гумирани етикети, пелени.

Во сивата се фрла:

Кујнски отпад: остатоци и кора од овошје и зеленчук, лушпи од јајца, талог од кафе, вреќички чај, остатоци од леб, листови салата.

Зелен отпад: овенато цвеќе, гранки, паднати лисја, откорната трева, земја, остатоци од овошје и зеленчук, како и мали парчиња од биоотпад: кора од дрво, коса и влакна, пилевина, разградливи марамчиња, борови иглички, мали количини на хартија во кои биле замотани кујнските отпадоци.

Во сивата НЕ СЕ ФРЛА:

Остатоци од термички обработена храна, месо, риба, коски, кожа, млечни производи, масла и масти, пепел, амбалажи, гума, обоен и лакиран дрвен отпад, облека, цигари и слично.

Во зелената се фрла:

Само стаклени амбалажи.

Во зелената НЕ СЕ ФРЛА:

Стакло од прозори, од автомобил, кристално и оптичко стакло, армирано стакло, лабораториско стакло, стаклена волна, флуоресцентни светилки, порцелански и керамички предмети.

Во жолтата канта се фрла:

Фолии, филмови, амбалажи кои на себе ги имаат ознаките PE-HD, PE-LD, PET, PP, шишиња од масло за готвење, дестилирана вода, средства за чистење и перење, козметика и лекови (освен остатоците), чашки и садови од јогурт, сирење и слично, кои на себе ги имаат ознаките PS, PP, како и амбалажа од стриропор или тетрапак амбалажа.

Тука се фрлаат и производите од пластика како на пример: шишенца од освежувачки пијалаци, пластични чинии, капачиња, прибор за јадење, како и конзерви од храна и лименки од пијалаци.

Во жолтата НЕ СЕ ФРЛА:

Пластични амбалажи и лименки со остатоци од бои, лакови, масла, експлозивни течности, хемикалии или амбалажи под притисок.

Во кантите за текстил се фрла:

Облека, постелнина, пешкири, завеси, шешири и капи, торби и меки играчки.

Во кантите за текстил НЕ СЕ ФРЛА:

Обувки, кожени чанти, перници од перја.

М. Д. | Црнобело