Експерт за танц на шипка, заедно се 11 години: Која е сопругата на Едвард Сноуден со која чекаат син?
Поранешниот аналитичар на американската Национална безбедносна агенција, Едвард Сноуден, наскоро ќе стане татко.
Неговата сопруга Линдзи Милс ги објави среќните вести на крајот на месец октомври.
„Ни требаше многу време. Нашата најважна соработка наскоро ќе ја здогледа светлината на денот“ – напиша таа на својот Инстаграм профил.
Сноуден неодамна објави дека тој и Линдзи поднеле барање и за државјанство во Русија, каде тој живее од 2013-та година, откако пушти во јавност десетици илјади строго доверливи документи.
„После долгогодишна разделеност од нашите родители, мојата сопруга и јас не сакаме да бидеме одвоени од синот. Тоа е причината заради која во време на пандемија и затворени граници поднесуваме барање за двојно американско-руско државјанство“ – напиша Сноуден.
Која е оваа жена која остана покрај него и во најкритичните времиња, давајќи му безрезервна поддршка?
Линдзи е 35 годишна гимнастичарка и танчарка специјализирана за танц на шипка, а со Сноуден е во врска од 2009-та.
Во брак се од 2017-та. Некое време живееја на Хаваите, пред тој да побегне во Хонг Конг, а потоа во Русија каде се и денес.
За разлика од сопругот, таа не го чува животот во тајност и постојано објавува фотки на социјалните мрежи.
Честопати патува и ужива во откривање на нови дестинации.
DailyMail ја опишува како „екстроверт кој ужива во сопствената голотија секогаш кога може“.
„Линдзи и јас ќе бидеме засекогаш Американци и ќе го воспитуваме синот да ги научи вредностите на Америка која ја сакаме. Се радувам на денот кога ќе можам да се вратам во САД и да бидеме со семејствата.“- вели контроверзниот шпион.
Прочитајте и: Пет години изолација: Како изгледа тајниот живот на Едвард Сноуден и неговата девојка Линдзи Милс? (фото)
Е. П. | Црнобело
Би можело да ве интересира:
Препорачуваме
Најчитани неделава
