Пет години изолација: Како изгледа тајниот живот на Едвард Сноуден и неговата девојка Линдзи Милс? (фото)
- Детали
- четврток, 21 јуни 2018
Некогашниот оперативец на ЦИА го направил тоа што му го велело срцето и не се кае за потегот. Целосна поддршка има од својата сакана, која отиде да живее со него во Русија.
Ова е петта годишнина откако Едвард Сноуден пребегна во Русија од неговиот дом на Хаваи. Некогашниот оперативец на ЦИА, кој работел како советник на Државната агенција за безбедност на САД, предизвика низа контроверзии откако во 2013 година во јавност изнесе тајни документи за хакерски напади и прислушкувања од страна на САД.
Сноуден по објавувањето на документите од ЦИА, избега најпрво во Хонгконг, а потоа во Москва и оттогаш живее таму. Со него е и неговата девојка Линдзи Милс.
Водат тајни животи, а единствениот начин да ѕирнеме во начинот на нивното функционирање е Инстаграм профилот на Линдзи.
Американската танчарка и фотографка од време навреме објавува фотографии од себе, но и од романтични мигови со Сноуден.
Порано Сноуден одржуваше конференции преку Скајп и беше многу активен на Твитер, но сега неговата активност е сосема намалена.
Месецов тој имаше интервју по повод петтата годишнина со весникот „The Guardian“, но тоа беше спроведено телефонски, а не лице во лице како неговото интервју дадено за овој весник во хотелска соба во Москва по повод првата годишнина. Сноуден уште еднаш потврди дека не се кае за неговите постапки и го сторил тоа што сметал дека е најдобро и му го говорела неговата совест.
Иако, неговата дозвола за азил во Русија е одобрена до 2020 година, медиумите тврдат дека неговиот престој таму е несигурен и се сомневаат дека е испратен некаде накај Сибир или Урал, а не е во Москва.
Сноуден можеби живее изолирано, но има чиста совест и дефинитивно минува прекрасни мигови со својата сакана.
Дел од фотките на Линдзи на Инстаграм:
С. С. | Црнобело
Би можело да ве интересира:
Препорачуваме
Најчитани неделава
