20-годишен студент прави храна инспирирана од емотикони (фото+видео)

Готвењето е најголемата пасија на 20-годишниот студент од Манчестер, кој прави совршени копии на популарните емотикони со храна и веќе се хит на социјалните мрежи.

20-годишниот Еш Бабер е готвач кој стана голема ѕвезда на ТикТок и Инстаграм, благодарение на неговите рецепти инспирирани од емотикони.

Покрај слатките и тортите кои сигурно ќе ве настрват, Еш прави и кроасани, крофни и слично, кои изгледаат потполно исто како емотиконите што ги користиме секојдневно.

Младиот готвач студира на универзитет во Манчестер и објавува видеа со готвење уште од 2019-та. Но, дури кога почна пандемијата имал доволно слободно време за вистински да ѝ се посвети на неговата најголема страст – готвењето.

Идејата да почне да прави храна според емотикони ја добил минатата година:

„Во 2 часот наутро помислив да ја направам роденденската торта од емотиконите, само затоа што ми е навистина чудна. Кога ќе размислите, овој емотикон навистина нема никаква смисла“, вели тој за неговиот интересен проект.

Тој го снимал целиот процес, а видеото го објавил на TikTok, и досега има над 3,1 милиони прегледи.

@ashbaber

birthday cake emoji......cake ? #fy #foodtiktok #cake #baking #learnontiktok

♬ Cinnamon Bun - Prod by Rose

Кога видеото со тортата станало вирално, Еш почнал да добива предлози да ги направи мафините со фил, а нему му се допаднала идејата, па го прифатил предлогот.

Еш вели дека иако крајниот резултат изгледа навистина слатко, целиот процес на изработка може да биде навистина макотрпен.

„Тоа се емотикони, па не се многу реалистични. Имаат многу детали кои воопшто ги немав забележано дури не почнав да ги правам“.

Обично на Еш му се потребни 1 до 2 часа за храната инспирирана од емотикони.

„За мафините и крофните не очекував да ми одземат многу време, но бидејќи шарените трошки на емотиконите се поставени на одреден начин, морав да ги редам една по една“.

Еш вели дека воопшто не очекувал проектот да се претвори во цел серијал. Тој планирал само да ја направи тортата, но поради заинтересираноста на следбениците, решил да продолжи.

Погледнете ги неговите кулинарски дела:

• 
• 
• 
• 
• 
• 
• 
• 
• 
•  

Спирова С. | Црнобело