Одиме на театар!

Theatra, првиот независен театар со свој простор го гради и збогатува својот репертоар. Водејќи се по својата основна цел – отвореноста на...

...театарската сцена, покрај редовната хит претстава, Мизантроп, веќе овозможува гостување на победничката претстава со 2 први награди на FIST 2010 година.

Оркестар Б.Б. (Бертолд Брехт) може да се разбере како еден коментар што си поигрува со политичките, социјалните и воопшто стереотипите кои произлегуваат од меѓучовечките односи. Игра голема актерска екипа која лесно развива апсурдни ситуации кои зборуваат за стварноста што не опрукужува и точно ја отсликуваат сегашната политичка локална и глобална хаотичност.

Преку музика и сонгови сето ова е исполнето од: Мирослав Петковиќ, Ненад Митевски, Атанас Атанасовски, Тина Трпкоска, Наташа Петровиќ, Кристина Ласовска, Марија Стефановска, Ана Кафкалеска, Катерина Аневска, Катерина Чакмакоска и Слаѓана Вујошевиќ. Режијата е на Владо Цветановски и Мими Таневска.

Во интимниот простор на Theatra претставата само добива на динамичност и интеракција. Публиката навистина има можност непосредно да ги доживее сцените. Оркестар Б.Б. несекојдневно прецизно прозвучува и изгледа. Спојот на независниот принцип на работа и отвореноста кон клучните современи проблеми е она што нема да ве остави мирни на театарските столчиња и ќе го поттикне вашиот аплауз.

Со задоволство, Theatra ви најавува дека вашите билети можете да ги резервирате на Оваа е-адреса е заштитена од спамботови. Треба да ви е овозможено JavaScript за да ја видите. или на +389 70 666 055. За повеќе информации за Оркестар Б.Б, следете ја официјалната фејсбук страна на Theatra , www.facebook.com/Theatra и дознајте повеќе за настаните и наредните изведби на Мизантроп во новиот скопски театар.

Претставата е денес од 20.30 минути.

Добитници на по две карти за претставата Оркестар Б.Б. се Марија Тодороска и Викторија Механџиска. Картите можете да си ги подигнете денес пред почетокот на претставата (20.15ч) во Театра.