Внимателно со комплиментите
Иако се чини дека не е така, со комплиментите човек мора да игра внимателно. Кога даваме комплименти, важно е да обрнеме внимание на многу работи.
Не е поентата во тоа само да пофалите некого, да кажете нешто убаво и да се насмеете. За да упатениот комлимент постигне ефект, што всушност е и целта на комплиментот, треба да се обрне внимание на деталите.
Како и во повеќето случаи, ситниците значат многу повеќе одошто можеме да претпоставиме. Треба да се обрне внимание и на искреноста на кажаното, како и на моментот во кој нешто ќе се изговори без непотребно заобиколување.
Секој обид да се глуми при давање на комплименти е контрапродуктивен. Тоа треба да се избегнува бидејќи ќе ви биде непријатно и вам и на личноста на која комплиментот и е наменет.
Затоа, потрудете се да бидете спонтани, позитивни и пред сè искрени. Ако однапред се подготвите, сè може да излезе извештачено и наместено.
Кога давате комплименти, потрудете се да бидете конкретни. На пример, подобро е да се каже: „Ти навистина добро готвиш“ отколку „Ова јадење е многу вкусно“. На личноста на која и делите комплименти повеќе ќе и се допадне ако ги истакнете одредените заслуги кои и припаѓаат.
Моментот во кој се изговара комплиментот е пресуден. Доколку сакате да делувате искрено, одберете го вистинскиот момент. На пример, подобро е комплиментот за јадењето да го дадете по вечерата отколку во текот на утрешниот ден.
А како е со примањето комплименти?
Пред сè, бонтотнот наложува дека основно правило е да се насмеете и да се заблагодарите на комплиментот.
Би можело да ве интересира:
Препорачуваме
Најчитани неделава
