Наука за привлечноста: 7 карактеристики на лицето што нè прават атрактивни

Симетријата на нашето лице нè прави привлечни во очите на другите, но, за некои луѓе, многу попривлечни се асиметричните црти на лицето.

Привлечноста е навистина чуден, а од друга страна восхитувачки феномен, зарем не?

Навистина е тешко да се утврди зошто некој е привлечен за некого, но сепак, постојат неколку физички карактеристики на лицето кои според научниците се „најубави“ за повеќето луѓе.

Се разбира, физичкиот изглед не е воопшто пресуден, но може да биде важен во почетната привлечност. Повеќето истражувања сугерираат дека партнерите се избираат врз основа на слични физички, но и ментални карактеристики.

Во продолжение за вас ги издвоивме карактеристиките на лицето кои нè прават попривлечни:

Симетрија

Симетричноста е еднаква на идеалноста или совршеноста, а она што е совршено, неретко ни е убаво. Всушност, оние со посиметрично лице речиси секогаш се окарактеризирани како поубави.

Асиметрија

Од друга страна, во некои случаи апсолутната симетрија им се чини чудна на луѓето - така што некои карактеристики на лицето, како што е искривената насмевка, за некој би биле многу попривлечни отколку совршеното, симетрично лице.

Просечност

Луѓето имаат тенденција да ги привлекуваат луѓе кои имаат просечен лик, таков кој „не се издвојува“ од толпата, во согласност со околината во која живее.

Брада

Ќе се согласиме: Брадата кај мажите има ист ефект како шминката кај жените.

Па така, не е ни чудно што мажите со силна и густа брада се многу попривлечни за жените отколку оние кои ја немаат или имаат малку влакна на лицето. Секако, како и за сè - и овде постојат исклучоци.

Лузни 

Во една британска анкета спроведена од страна на ИТВ е откриено дека мажите со лузна на лицето се попривлечни, додека кај понежниот пол се случува спротивното - жените со лузна на лицето се карактеризираат како помалку привлечни.

„Ефект на Џорџ Клуни“

Интересен термин, зарем не?! Вистината лежи во тоа што жените навистина „паѓаат“ на постари мажи, кои освен визуелниот (педантен) изглед - со себе носат искуство.

Едноставност

Доколку се земат предвид сите светски анкети и истражувања во последните неколку децении, колку и да звучи неверојатно, сепак - мажите претпочитаат жени кои имаат поедноставно лице и карактеристични црти како поголем нос, поостри веѓи или поголеми очи.

Мила М. | Црнобело