„Жена ми немала афера – планирала тајна забава за мене“: Најлудите работи што луѓе ги откриле со приватен детектив

„Другар ми најми приватен детектив, само за да дознае дека неговата сопруга се задржувала после работа бидејќи честопати останувала да јаде сама на паркингот“ - луѓе откриваат какви неочекувани работи дознале за партнерите кога мислеле дека ги изневеруваат. 

Од разни причини, некогаш луѓето најмуваат приватни детективи. Задачата на овие детективи е да следат некоја личност и да дознаат дали крие нешто од нејзиниот партнер, член на семејството, шеф и слично.

Некогаш сомнежите на луѓето кои најмуваат детективи се потврдуваат, но неретко и немаат врска со реалноста.

За Редит, неколку луѓе споделуваат кои се најлудите работи што ги откриле со приватен детектив:

„Сестра ми најми детектив за таткото на нејзиното дете, додека се судеа за старателство. Бидејќи тој спие во складот каде што работи, сестра ми сакаше да знае што прави кога детето е кај него.

Детективот откри дека кога е со детето, тој изнајмува соба во убав хотел и поголемиот дел од денот го минува со него во паркови, зоолошка и слично. Излезе дека тој е навистина прекрасен татко“.

„На старото работно место, директорот најми детектив за еден постар менаџер. Наводно, директорот честопати го гледал како оди на ручек со многу млада девојка, па сакаше да го разоткрие. На крај се дозна дека менаџерот одел на ручек со ќерка му“.

„Тетка ми најми детектив бидејќи мислеше дека сопругот ја изневерува – почнал да останува на работа до доцна навечер. Детективот откри дека сопругот останувал во канцеларија за да може на мир да се напие пиво и да поигра покер со колегите бидејќи тетка ми е личност која сака да контролира“.

„Најмив приватен детектив бидејќи мислев дека поранешниот сопруг е во брак со друга жена. Излезе дека навистина имал уште една сопруга во друга држава во САД. На крај и двете се спасивме од него“.

„Другар ми најми детектив само за да дознае дека неговата сопруга се задржувала после работа бидејќи честопати останувала да јаде сама на паркингот“.

„Чичко ми најми детектив и дозна дека сопругата спиела со нивниот свештеник, а потоа се откри дека свештеникот бил и дилер на дрога. Тоа беа неколку навистина луди недели додека сè излегуваше на виделина“.

„Една другарка најми детектив бидејќи мислеше дека момчето ја изневерува. Но, тој се однесувал чудно бидејќи планирал запросување“.

„Со помош на приватен детектив дознавме дека жената што требаше да ни ја организира венчавката не направила ниту една резервација и планирала да избега со парите (20.000 долари)“.

„Мојата поранешна снаа најми приватен детектив за сопругата не нејзиниот брат. 8.000 долари подоцна, сфати дека детективот следел погрешна личност и фотографирал сосема други лица“.

„Најмив детектив бидејќи се сомневав во сопругата – излезе дека ми планирала роденденска забава“.

Спирова С. | Црнобело