8 трикови како да си направите совршено селфи, советува експерт за фотки
Погрешно vs. правилно: Често луѓето кога прават селфи ја креваат камерата многу високо или пак многу ниско, па или изгледаат чудно или како да имаат двојна брада. Во секој случај изгледа неприродно и најдобро е камерата да ја поставите во висина помеѓу носот и веѓите.
Кристин Бузан (32) од Калифорнија за себе вели дека е селфи експерт и создала свој бизнис наречен „Look Good In Photos“. Таа учи стотици девојки и жени како да изгледаат добро на фотографиите и да ги импресионираат своите следбеници.
Нејзините совети за совршени фотографии:
Внимавајте на осветлувањето - тоа е клучно
Осветлувањето има моќ инстантно да го промени начинот на кој изгледате пред камерата, може да го привлече вниманието кон вашите брчки и мали „несовршености“ и со тоа да ви даде уморен изглед и да ви додаде години или пак да ве прикаже во најдобро издание.
Избегнувајте правење селфи пред прозорец или среде ден на сончева светлина, изберете сенка или изгрејсонце и зајдисонце.
Изберете природен агол со камерата
Често луѓето кога прават селфи ја креваат камерата многу високо или пак многу ниско, па или изгледаат чудно или како да имаат двојна брада.
Во секој случај изгледа неприродно и најдобро е камерата да ја поставите помеѓу носот и веѓите.
Не зависете од телефонот, научете кои се најдобрите агли на вашето лице
Многу луѓе велат дека не си се допаѓаат кога наместо селфи, ги фотографираат други луѓе. Тоа е затоа што при позирањето се потпираат на тоа што гледаат на екранот на телефонот, наместо да научат како изгледаат најдобро и директно така да позираат.
Клучно е секој да си ја знае добрата страна од лицето и најдобрите агли.
Релаксирајте го лицето
Неприродно е да стоите пред камера, па лесно вашето лице добива тензичен израз. Клучните места каде се познава ова се рацете, вилицата и очите. Значи две од овие три работи се на вашето лице, па затоа важно е свесно да се релаксирате при правењето селфи фотки.
Размрдајте го лицето, опуштете го и правете паузи при позирањето.
Малку навалете го челото кон камерата
Можеби звучи чудно, но ако го навалите челото малку кон камерата, тоа визуелно ќе ви го продолжи вратот, ќе ви ја прикрие двојната брада и ќе ви помогне да изгледате поповрзани со камерата.
Не срамете се да се насмеете
Кажете си нешто смешно и насмејте се природно, така најубаво ќе испаднете на селфи фотографиите.
Смејте се и со очите, не само со устата
Ништо не ја уништува повеќе фотографијата од празно зјапање и безизразен лик, додека устата ви е обликувана во насмевка.
Вежбајте
Никој не се родил талентиран за позирање и ова е вештина која се учи и во која можете да се подобрувате.
Колку повеќе вежбате, толку подобро ќе испаѓате на фотографиите и толку повеќе ќе уживате.
С. С. | Црнобело
Би можело да ве интересира:
Препорачуваме
Најчитани неделава
