Браво! Низ скопските маала ќе бидат поставени 10 куќички за бездомни кучиња

„Куќичките се новогодишен подарок за кучињата од групата урбани уметнички/герила акции. Скопје може да биде и убав град“, пишува на Фејсбук, каде што се објавени првите фотки од шарените куќички кои ќе бидат поставени низ скопските маала.

На Фејсбук профилот на Никола Писарев се објавени фотографии од куќички за кучиња кои ќе бидат поставени на различни локации низ Скопје, а се наменети за кучињата скитници.

Оваа иницијатива предизвика позитивни реакции во јавноста и пофалби за идејата, особено што се реализира во време кога температурите паѓаат под нулата, а бездомните кучиња се оставени на улица.

„Среќна Нова скопски streeteri. 10 куќички за вдомување на кучињата кои живеат по скопските маала. Куќичките се новогодишен подарок за кучињата и за Скопје од групата урбани уметнички/герила акции.

Во текот на денот куќичките ќе бидат наместени на различни локации во Скопје.

Скопје може да биде и убав град“, пишува во објавата на Фејсбук.

„Само и луѓето да бидат 'убави' па да не ги искршат“, е еден од коментарите.

А. Ј. | Црнобело