8 раси на кучиња што НЕ се погодни за почетници

Кучињата од расата кане корсо се големи и моќни, па потребни им се искусни сопственици кои ќе можат да ги истренираат соодветно.

Кучињата се одлични миленици, но ако првпат размислувате да вдомите, мора да имате предвид некои работи.

Најпрво, кучињата си бараат грижа и време кои мора да им ги посветите.

Исто така, треба да знаете дека некои раси се покомплицирани за одгледување и бараат соодветно дресирање уште од најрана возраст, што значи не се воопшто погодни за почетници.

Осум раси кои е најдобро да ги избегнувате ако досега не сте чувале куче:

Кане корсо

Овие кучиња се големи и моќни, но и заштитнички настроени.

Мора да имате искуство со кучиња за да можете правилно да ги дресирате бидејќи обично се и своеглави.

Важно е да бидат социјализирани уште на почетокот, но и бараат повеќе внимание од сопствениците.

Германски овчар

Германските овчари се енергични, интелигентни и лојални кучиња.

За да бидат среќни, потребна им е физичка и ментална стимулација која почетниците не би можеле да им ја дадат.

Без соодветна дресура и можност да ја истрошат енергијата можат да станат и депресивни.

Бигл

Иако кучињата од расата бигл се мали, сепак не се погодни за почетници.

Имаат многу енергија и треба да бидат ментално стимулирани, а бидејќи се љубопитни, не можете да ги оставите без надзор ако немаат соодветна дресура.

Исто така, склони се и кон некои здраствени проблеми.

Ако не обрнувате посебно внимание на исхраната и физичката активност можат да се здебелат, а секогаш постои и ризик да им се јави инфекција во областа на ушите.

Сент бернард

Најпрво, ова е раса што бара многу простор бидејќи кучињата се огромни – можат да тежат и до 80 килограми.

Многу силни, па ако немате искуство со кучиња, не е препорачливо да се грижите за сент бернард.

Иако се познати по нежната природа, сепак бараат грижа од искусен сопственик кој ќе им го даде соодветниот тренинг и ќе ги социјализира.

Продолжува на следната страница...