Како да се справите со влакната од вашиот миленик?

Ако имате домашно милениче кое обожава да се излежува и гали насекаде низ вашиот стан, тогаш борбата со неговите влакна е вашиот најлош кошмар.

За да победите во оваа секојдневна борба, ви предлагаме неколку совети:

Не го избегнувајте чешлањето - Ако го исчеткате вашето милениче еднаш во денот, сè ќе биде полесно. Вие ќе го спречите разлетувањето на влакната низ вашиот дом, а тоа нема да чувствува потреба дека треба да се тресе за да се ослободи од вишокот крзно.

Секогаш имајте прекривка на мебелот во дневната соба - Никој не сака кога креветот е прекриен со влакна, но кога веќе сте решиле да му дозволите на вашето милениче да преспие на фотелјата, барем прекријте ја со лесен материјал. Полесно е да го исперете прекривачот, отколку да го пребришете целиот мебел.

Заштитете го подот - Во собата во која најчесто престојува вашиот миленик секогаш имајте откриен ламинат, паркет или плочки наместо мек тепих.

Чистете му ги шепите - По секое шетање можете да користите влажни марамици или ракавица од микровлакна. Ќе се изненадите од разликата.

Облечете го - Летно време навистина нема потреба да го мачите, доволно е само да се придржувате до четкањето, но кога температурите се ниски не би му пречело да му облечете нешто тенко и лесно кое ќе го спречи паѓањето на влакната наоколу, а воедно и ќе го затопли на подолг период.