Дневна доза љубов: Слонче после 3 години се среќава со својата мајка (видео)

7-годишниот слон МеБаи и нејзината мајка се немале видено повеќе од три години, но тоа воопшто не било важно кога нивните погледи се сретнале уште еднаш. Нивната врска јасно се забележува и во видеото кое ја снима нивната средба по толку години.

Зад ова видео стои темна и непријатна приказна.

МеБаи од неодамна е спасена од нејзиниот живот како роб за туристичката индустрија во Тајланд каде таа со часови била принудена да носи туристи на својот грб.

Слоновите како МеБаи уште како мали се одвоени од нивните мајки и се принудени да маршираат со тешки туристи на грбот уште пред да се доволно силни за да можат да го зидржат товарот.

Тие со години не добиваат доволно храна, работат многу часови и имаат тешка и напорна задача, но нивната ситуација веројатно е далеку подобра од онаа на слоновите кои се наоѓаат во зоолошките, далеку од својот дом.

Тие трпат сосема поинаков вид на тортура каде со години остануваат да живеат сами.

И покрај тажните приказни кои ги доживуваат голем број на слонови, постои и онаа како на МеБаи која сега повторно е со својата мајка.

Погледнете ја нивната неверојатна средба по 3 години: