Во Норвешка можете да уживате во поларната светлина додека се прегрнувате со волци

Волците можеби не се животни со кое фантазирате дека би се прегрнувале, всушност, волците се животни за кои најверојатно би сакале да се што е можно подалеку од вас.

Но, Центарот за заштита „Polar Park“ во Норвешка го нуди токму тоа.

Тука волците растат и живеат покрај луѓе. За разлика од дивите волци, овие волци воопшто не се плашат од луѓето, а уште помалку се обидуваат да ги нападнат.

Ова место има за цел да им покаже на луѓето која е вредноста на овие фантастични животни во екосистемот.

Сивите волци се на листата на загрозени животни, а во Норвешка се на црвената листа на загрозени животни, бидејќи во дивината останати се само околу 68 волци.

Нивниот број бргу се намалува заради невнимателното ловење.

 „Polar Park“ е едно од ретките места каде можете подобро да се запознаете со овие животни, секако морате да следите неколку инструкции, соодветно да бидете облечени и да бидете во добра физичка состојба.

Н. Г. | Црнобело