Позитива на денот: 576 шкотски овчари на едно место за совршена фотка

Безмалку 600 сопственици на кучиња од расата шкотски овчар се собраа на едно место со цел да постават неофицијален рекорд за најмногу кученца од ваков тип собрани на иста локација.

Ивон МекГрат која е основачот на Фејсбук групата која ги обединува обожавателите и сопствениците на овие кучиња во Австралија имала желба да се соберат во колку што е можно поголем број на едно место и да се фотографираат.

Претходниот неофицијален светски рекорд на најмногу шкотски овчари на едно место изнесувал 503, фотографирани во 2013 година.

Гинисовата книга на рекорди, за жал, не прифаќа фотки на кои има само одреден тип на кучешка раса, но и покрај тоа настанот е многу симпатичен и забавен.

Воедно, биле собрани и 6.000 австралиски долари кои ги дале во добротворни цели, повторно наменети за животните.

Зарем ова не е една прекрасна идеја? Воопшто не е тешко да се изведе и во Македонија, нели?

Погледнете како изгледал целиот настан:

(О)Милена | Црнобело