13 работи кои ќе ги научите кога ќе почнете да чувате мачка

„Не поседувате вие мачка, мачката ве поседува вас“, е еден од цитатите што одлично го опишува чувањето на мачка.

Таа ќе биде вашиот најдобар пријател, но понекогаш навистина ќе знае како да ве извади од такт.

Еве кои работи ќе ги научите кога ќе почнете да чувате мачка:

- Личниот простор не постои на овој свет. Таа обожава да ве придружува, дури и во тоалетот.

- Ќе направи сè само за да покаже дека е супериорна.

- Секој објект што ви стои на масата, столицата, орманот ќе биде порано или подоцна бутнат.

- Мачките си се себедоволни, ним не им требате, но знаат да ве направат љубоморни кога тактички ќе седнат во туѓ скут.

- Не ви е потребен будилник. Иако спијат и по 16 часа на ден, бидете сигурни дека ќе ве разбудат во 6 наутро, дури и за време на викендите.

- Најмалку еднаш дневно комплетно ќе ве преплашат. Можеби ќе зјапаат во далечина позади вас како да постои таму нешто паранормално или со брзо трчање низ куќата кое ќе ве натера да се запрашате што гледа таа, а вие не.

- Звукот на мјаукање од орманот е звук на кој ќе се навикнете. Секогаш кога ќе отворите врата да извадите облека, тие се чувствуваат добредојдени.

- Ќе се навикнете и на звукот на некој голем предмет што се крши на подот, најчесто среде ноќ.

- Кога ќе доцните некаде, таа ќе одлучи слатко да ви заспие на стомакот.

- Моментот кога седнувате со компјутерот во раце е моментот кога вашата мачка ќе сфати дека ѝ е потребно внимание.

- Ќе имате повеќе разговори со вашата мачка отколку со кој било друг.

- Сите прекрасни растенија ќе ги отстраните од домот. Мачка или растенија, нема друго.

- Ќе биде малку непредвидлива и ќе ве нервира на моменти, но без неа нема да можете да преживеете.

С. С. | Црнобело