5 болести кои можете да ги пренесете на своето куче

Многу често читаме дека домашните миленици можат да им пренесат одредени болести на своите сопственици, но ни тие не се поштедени од човечките болести.

Кога се работи за кучињата, важно е да се напомене дека тие се почувствителни на болести отколку што ни се чини, па дури и најмал контакт со вас додека сте болни, е ризик за нив.

Ова се пет болести кои најчесто се појавуваат кај луѓето, но можат да бидат лесно пренесени кај кучињата:

Грип

Симптомите се слични како и кај луѓето - отежнато дишење, кашлање, кивање и некоординирани движења. Во консултација со ветеринар, внесете додатоци во исхраната на кучето и дозволувајте му повеќе да се одмара.

Кожни заболувања

Кожните лишаи и габичните инфекции лесно може да се пренесат на кучето. За разлика од луѓето, тие не знаат да го контролираат нагонот на чешање и рака лесно можат да ја разнесат инфекцијата по целото тело. Потребно е да се третира локално, со маст или крема препорачани од ветеринарот.

Заушки

Колку и да ви звучи необично, кучињата лесно може да се заразат со заушки. Ќе забележите промени во расположението, покачена температура, а во потешките случаи и отоци на плунковите жлезди. За олеснување на симптомите, обратете се кај ветеринарот.

Салмонела

Заразата со салмонела предизвикува слични симптоми како и кај луѓето. Бактеријата се наоѓа во термички необработена храна, чувана во лоши услови. Доколку кучето има температура, дијареја или повраќа, внимавајте да не дехидрира. Однесете го на ветеринар, бидејќи при ваква зараза потребно е да се примат антибиотици и по потреба инфузија.

Туберкулоза

Иако оваа болест во денешно време е навистина ретка, не е невозможно кучето да се зарази од болна личност. Доволно е само заразената личност да кивне во негова близина, или пак кучето да ги лиже рацете на болниот, за лесно да се зарази.

Е. Д. | Црнобело