Дали кучињата ги препознаваат лошите луѓе?

Кучињата се интерактивни и социјални суштества кои сигурно ќе ви „кажат“ дека се гладни, дека им се оди во тоалет или дека имаат некој проблем.

Тие се толку синхронизирани, што можат да ги почувствуваат нашите емоции, понекогаш дури и пред ние да ги процесираме. Но она што е навистина фасцинантно за овие животни е тоа што можат да ги препознаат „лошите луѓе“. Исто така, доколку изгледате недоверливо, кучето ќе одбива да ги слуша вашите наредби. Барем ова се резултатите од едно неодамнешното истражување.

Во истражувањето биле изведени неколку експерименти. Во првиот експеримент, на кучињата им бил покажан сад со храна. Кучињата отишле да го погледнат садот и храната.

Во вториот експеримент било направено истото, само што садот бил празен.

Во третиот експеримент, истиот човек повторно им го покажал садот на кучињата, на овој пат тие го игнорирале. Ова докажало дека кучињата ја гледаат личноста како недоверлива поради неговата лага во вториот експеримент.

Покрај тоа, кучето нема да се сврти против вас доколку некој друг е неискрен. Имено, првиот експеримент бил повторен и со втора личност, а кучињата ѝ верувале и отишле кон садот со храна. Ова значи дека кучињата ѝ верувале на втората личност, и покрај тоa што првата ги измамила.

„Кучињата имаат пософистицирана социјална интелигенција отколку што мислевме. Оваа социјална интелегенција селективно еволуирала низ нивната долга историја со луѓето“, изјавил Акико Такаока од Универзитетот во Кјото.

Друго истражување покажало дека кучињата одбивале храна и од луѓе кои се неучтиви кон нивните сопственици. Ова значи дека кучињата јасно го читаат, па дури и разбираат социјалното однесување помеѓу луѓето

Некои раси кучиња се поинтелигентни, и според откритијата на психологот Стенли Корен, направена е листа со 10-те најинтелигентните раси:

1. Бордер коли

2. Пудлица

3. Германски овчар

4. Златен ретривер

5. Доберман пинчер

6. Шетландски овчар

7. Лабрадор ретривер

8. Папилон

9. Ротвајлер

10. Австралиски овчар

Спирова С. | Црнобело