Јавање слон, пливање со делфини – Туристички атракции и активности кои се сурови кон животните


Јавање слон, пливање со делфини – Туристички атракции и активности кои се сурови кон животните

Нормално е да се израдувате кога ќе видите мајмун што танцува, делфини што изведуваат спектакуларно шоу или слон кој можете да го јавате.

javanje-slon-plivanje-so-delfini-turistichki-atrakcii-i-aktivnosti-koi-se-surovi-kon-zhivotnite-001.jpg

Но, речиси секогаш, ваквите туристички активности им нанесуваат огромна штета на животните.

Малиот простор, лошата исхрана и малтретирањето се само некои од проблемите со кои се соочуваат животните на овие „работни места“.

Следниот пат кога ќе налетате на ваква понуда, земете ги предвид следните работи:

Шоу со делфини

Аквариумите со делфини изгледаат навистина забавно, но малкумина знаат за суровоста што се одвива зад овие шоуа.

Најпрво, делфините се ловат и се одделуваат од нивното семејство. Додека се транспортираат, животните се изложени на огромен стрес и голем дел не го преживуваат ни патувањето.

Оние кои сепак ќе преживеат, ќе го поминат животот во мал базен учејќи трикови – нешто сосема поразлично од нивното природно опкружување.

Доколку делфините треба да изведуваат на друго место, ги транспортираат како најобичен багаж.

popularni-turistichki-atrakcii-i-aktivnosti-shto-se-surovi-kon-zhivotnite-02.JPG

Јавање слонови

Јавањето слонови во Тајланд можеби е желба на многу луѓе, а сите што го искусиле тоа се воодушевени од смиреноста на животите.

Но, слоновите се толку мирни бидејќи се „скршени“.

Малите слончиња се оттргнуваат од нивните мајки и потоа се присилени да го поминат суровиот тренинг. Слоновите се удирани, постојано се во синџири и добиваат малку храна и вода.

Притоа, не им дозволуваат да „се дружат“ со другите слонови и сето ова има ужасно влијание врз нивната психа. На крај, слонот се откажува од желбата за слобода и само ги следи наредбите.

popularni-turistichki-atrakcii-i-aktivnosti-shto-se-surovi-kon-zhivotnite-03.JPG

Паркови со мечки

Во дивината, мечките преферираат да живеат сами. Но, во парковите за мечки тие се чуваат во „дупки“ и кафези, во кои секогаш има барем 3 мечки.

Уште полошо е што на некои места мечките ги облекуваат со разни костими и ги тераат да изведуваат за посетителите. Ова ги изложува животните на многу стрес.

popularni-turistichki-atrakcii-i-aktivnosti-shto-se-surovi-kon-zhivotnite-04.JPG

Мајмуни што танцуваат

Денес можете да најдете човек со „припитомен“ мајмун на секоја популарна летна дестинација.

Но за мајмуните да бидат мирни и да научат да танцуваат, минуваат низ многу суров тренинг.

Кога ќе заврши работниот ден на мајмунот, тој е пикнат во мал кафез и треба да чека таму до следната изведба.

popularni-turistichki-atrakcii-i-aktivnosti-shto-se-surovi-kon-zhivotnite-05.JPG

„Шармирање“ змии

Оваа древна атракција привлекува луѓе на секоја возраст.

Навистина изгледа неверојатно кога „шармирачот“ почнува да свири, а змијата полека ја крева својата глава.

Но, овие кобри се фатени во дивината и им се извадени забите. Им се блокираат и отровните жлезди за да ги направат безопасни. Овие процедури можат да предизвикаат разни инфекции, па дури и смрт.

popularni-turistichki-atrakcii-i-aktivnosti-shto-se-surovi-kon-zhivotnite-06.JPG

Продолжува на следната страница...



Би можело да ве интересира:

Кога животните ќе зажалат за својата одлука (фото) Животните се многу љубопитни суштества, а тоа понекогаш ги тера да направат и по...
Кога животните не сакаат да се одделат од нивните сопственици (фото) Многу од нас не можат да си го замислат животот без нивното домашно милениче. ...
Тажна глетка од истоштени и слаби поларни мечки на кои мразот им се топи под шепи (фото) Климатските промени си го прават своето, а за тоа се доказ овие очајни поларни м...

Најчитани неделава