Мијат садови, метат, го чистат тоалетот – како изгледа кога кучињата ги „преземаат“ домашните обврски? (фото)

Колку би било убаво еден ден да може да одморите, а другите околу вас да ви помогнат и да ја средат куќата, нели? Велат дека многу раце се вредни, а во овој случај тоа може да се каже и за големиот број шепи.

Поранешниот тренер за кучиња Линда Куш (63) постојано објавува фотографии на својот Инстаграм профил од нејзините три кучиња, со кои успева да ги насмее своите следбеници.

Меѓу другите фотографии, може да видиме дека трите кучиња Река, Рокси и Рајли не се плашат да ги извалкаат шепите и да го зачистат нивниот дом во Мисури.

По повод Денот на независност на сопствениците на миленичиња имаше предизвик во кој сопствениците ги менуваат местата со нивните миленици. Односно, за да го обележат денот, сопствениците се излежуваат по дома како нивните мачки и кучиња, а милениците ги „преземаат“ нивните обврски.

Па, и Линда одлучи да ги смени местата со нејзините кучиња на еден ден, а резултатот се неколку фотографии што сигурно ќе ве насмеат.

„Затоа што треба да ги смениш местата со твоите миленици на еден ден, јас ги натерав да ги завршат обврските што јас вообичаено ги правам, па јас си лежев пред каминот, тоа што тие вообичаено го прават“ - вели таа.

По „напорната работа“, Линда ги наградила своите миленици со прошетка.

Кога станува збор за помошта од овие три кучиња јасно е дека тие не се пребирливи во тоа што ќе го прават: од чистење со правосмукалка, до бришење прашина и чистење на тоалетот. Дури има фотографии на кои кучињата го бришат подот, мијат садови или ја чистат рерната.

Инаку, на нејзиниот профил често можеме да видиме дека Линда ги облекува кучињата соодветно за прославување на одредени денови.

Погледнете повеќе фотографии од кучињата како „чистат“ дома:

Б. С. Б. | Црнобело / Фото: Instagram