10-те најголеми животни и птици кои некогаш постоеле на Земјата

Краткомуцеста мечка (Arctodus sp.)

Овие изумрени мечки живееле на територијата на денешна Северна Америка, пред околу и 10.000 години. Постојат два подвида од овие мечки, од кои едниот се смета за најголемиот копнен цицач во историјата на Земјата.

Според фосилите, поголемиот вид бил висок 2,5 до 3 метри кога стоел исправен. Кога оделе на сите четири, овие мечки биле високи помеѓу 1,5 и 1,8 метри. Се претпоставува дека тежеле повеќе од 1.200 килограми.

Во некои пештери во Мисури се пронајдени траги од нивните канџи на височина од 4,6 метри, поради што се претпоставува дека некои единки можеби достигнувале и висина од 3,7 метри.

Гигантопитек (Gigantopithecus)

Овие џиновски мајмуни наликувале на горила и се верува дека живееле пред околу 300.000 години на територијата на денешна Кина.

Бидејќи палеонтолозите уште немаат пронајдено цел скелет од ова животно, за неговата големина се носат претпоставки врз основа на пронајдените заби и некои коски. Според претпоставките на експертите, овие животни веројатно биле високи до 2,7 метри, а тежеле до 270 килограми.

Џиновски носорог (Paraceratherium)

Овие животни се еден вид носорози, но без рог, и се едни до најголемите копнени животни кои некогаш чекореле на Земјата. Тие живееле пред околу 30 милиони години, на повеќе територии – остатоци се пронајдени и на Балканот.

Слично како со џиновскиот мајмун, уште не пронајден целосен скелет и од овие суштества, па научниците само претпоставуваат за нивната големина.

Се верува дека нивно тело било долго 8,7 метри, а високо околу 5 метри.

Џиновски птеросаурус (Quetzalcoatlus)

Овие диносауруси се едни од најголемите животи со крилја кои некогаш постоеле. Живееле пред околу 66 милиони години, на територија да денешна Америка.

Според најголемиот примерок откриен досега, распонот на крилјата на овие диносауруси бил околу 15,9 метри. Според други фосили, просечниот распон на нивните крилја бил најверојатно помеѓу 10 и 11 метри.

Син кит

Џиновските животни не живееле само во минатото – синиот кит, иако загрозен, е вид што уште опстојува.

Синиот кит се смета за најголемото животно кое постоело на Земјата и има должина од 30-тина метри, а во просек тежи 150 тони. Иако се огромни, сините китови се хранат само со планктони и, за жал, денес се вид на кој му се заканува исчезнување. Се претпоставува дека денес постојат само уште 25.000 единки во океаните ширум светот.

Спирова С. | Црнобело