Чини неверојатни 2 милиони долари - запознајте го најскапото куче на светот (фото)

Ова куче е симбол на престиж и е резервирано исклучиво за оние со многу длабок џеб.

Златниот тибетски мастиф е симбол на престиж и се смета за најскапото куче во светот, а неговата цена се движи до неверојатни два милиони долари.

Рекордот за најскапо продадено куче на сите времиња го држи тибетскиот мастиф. Пред неколку години, златното кутре од расата тибетски мастиф беше продадено за неверојатни 1,9 милиони долари.

Кутрето имало една година, било високо 80 сантиметри и тешко дури 90 килограми, а го купил Кинез.

https://www.facebook.com/Wanvijit-P-1894914797212989/photos/pcb.2151016928269440/2151016848269448/

Многумина се прашуваат во што е тајната и зошто оваа раса на куче вреди толку многу.

Имено, се покажало дека тибетскиот мастиф е крајно лојален на својот сопственик до смрт.

Подготвен е да се соочи со сите ѕверови, а номадските племиња од Азија го користеле за лов и како чувар на овци од волци, леопарди, мечки.

Денес претставува редок вид на животно, па затоа и има статусен симбол.

Првиот тибетски мастиф, Сиринг, пристигнал во Европа во 1847 година како подарок за младата англиска кралица Викторија. Далај Лама му испратил две вакви кучиња како подарок на американскиот претседател Двајт Ајзенхауер.

Тибетското куче има исклучително силна вилица, кафени очи со спуштени капаци, уши во облик на срце и многу силни гради.

Одлично поднесува студ, ужива во тренинзите и не е познато дека може да се разболи од некоја болест. Живее околу 15 години.

На ова куче му треба сериозна дресура бидејќи има силен карактер и е исклучително тврдоглав.

(О)Милена | Црнобело