8 моќни вежби со кои ќе го доведете телото до совршенство до крајот на летото

Ако ја пропуштивте шансата да се направите згодни до лето, тогаш искористете ги овие месеци, па доведете го телото до совршенство до крајот на летото со овие 8 најпопуларни вежби. 

Немате многу време, па активирајте се и посветете се максимално со вежби кои се најефективни и сигурно ќе ви донесат резултати.

Ако имате многу вишок килограми, не очекувајте магија за 2 месеца, но ако ви недостасува малку за да го постигнете посакуваниот резултат, сигурно ќе успеете.

Секако, не е исто како да одите на тренинг, но е многу подобро отколку да не правите ништо - овие вежби секогаш се корисни. 

Дополнително, не заборавајте да се придржувате до здрава и балансирана исхрана.

8 моќни вежби кои ќе го оформат вашето летно тело:

Вежба 1

Застанете потпрени со грбот на ѕид, со стапалата во ширина на рамениците, па одвојте се чекор напред.

Спуштајте се надолу во позиција на чучнување, со бутовите паралелно поставени на подот, а колената да не ги надминуваат прстите на нозете.

Распоредете ја тежината рамномерно, стапалата цврсто на подот, грбот потпрен на ѕидот, со исправена глава и останете во оваа позиција колку што можете.

Вежба 2

Легнете на стомак и потпрете се со рацете на подлактиците.

Притискајте со подлактиците на подот, држете ги рацете цврсто и полека дигнете го абдоменот и нозете додека не дојдете во рамна положба со телото (plank позиција).

Држете го цврсто телото распоредувајќи го напорот подеднакво насекаде и останете во оваа положба колку што можете.

Секојпат зголемувајте го времето на задржување за 5-10 секунди, додека не успеете да издржите минута.

Вежба 3

Застанете во позиција за склек, со рацете поставени во ширина на рамениците, исправен грб и глава и со распоредување на тежината насекаде.

Донесете го десното колено до градите најблиску што можете, па вратете се во почетна позиција и повторете со левата нога.

Менувајте ги нозете една по друга и пробајте да повторите колку што е можно повеќе пати.

Вежба 4

Легнете на грб и ставете ги рацете зад глава и благо поткренете се нагоре со горниот дел од телото.

Кренете ја левата нога кон главата, свиткана во коленото под агол од 90 степени и благо свртете го телото за да го допрете коленото со десниот лакт, па вратете ја во почетна положба, без да допре на земја.

Повторете со другата нога и спротивната рака, па наизменично повторувајте така што ќе изгледа како да правите движења за возење велосипед, а темпото контролирајте го сами.

Продолжува на следната страница...