За сите мрзливи и невежбачи: Брзи трикови за слабеење

Вклучете одредени намирници во исхраната

Не мора да се откажете од вообичаената храна, но можете да додадете во исхраната намирници како лосос, јајца, ореви, маслиново масло, лути пиперки и зелен чај.

Тие ќе го забрзаат метаболизмот и ќе согорувате масти многу поефикасно. А, дури и само мирисот на цитронот или нането може да ви го намалат апетитот, па не ги избегнувајте.

Заборавете на забраните

Ако сакате да си земете колаче или чоколадо, направете го тоа и не си забранувајте ништо. Но наместо 100 g благо, земете 2-3 коцки и изедете ги наутро за да имате време да ги согорите во текот на денот калориите.

А, строгите придржувања и рестрикции влијаат негативно на стресот и на хормоните.

Мијте ги забите

Секако дека веќе имате ваква навика наутро и навечер, но обидете се да стекнете навика да ги миете забите после секој оброк, без исклучок, бидејќи така ќе ја намалите желбата за уште една порција храна.

Прво, заради убавиот вкус во уста, второ, бидејќи ќе ви здодее постојано да ги миете забите после секое јадење.

Смејте се

Според многу истражувања, кога се смееме, енергијата се зголемува за 20% повеќе отколку кога одмараме, плус со тоа правиме и вежби за стомачните мускули. Па, која е вашата омилена комедија?

Топли облоги

Еве уште еден лесен метод да намалувате тежина додека гледате серија. Затоплувањето предизвикува потење, а така се ослободувате од вишокот течности во телото.

Па затоа, користете топли облоги ако сакате да влијаете на намалувањето килограми. Најпопуларни облоги се оние со сол и ѓумбир, а за да го зголемите ефектот, дувајте со фен за подолго да остане топла облогата.

М. М. | Црнобело