Вие прашувате, македонски сексолог одговара: „Дали е во ред да мастурбирам секој ден?“

Кои се петте најважни правила за добар секс и дали е во ред да се мастурбира секој ден – ова се две прашања на кои за CRNOBELO.com, одговара докторката, клинички сексолог Фросина Крстаноска.

Во текот на изминатиот месец на Инстаграм профилот на CRNOBELO.com, читателите имаа можност да постават прашања поврзани со сексуалното здравје, упатени до докторката Фросина Крстаноска.

Погледнете ги одговорите на две од поставените прашања од читателите:

1. „Според вас, кои се петте најважни правила за добар секс?“

Пет правила за добар секс се:

- сите мора да се согласуваат за тоа;

- правило „не повредувај никого“;

- сексот е за емоционално и физичко задоволство, не мора да има секогаш оргазам;

- нема норми, сѐ е нормално од ванила секс до неконвенционален секс, не очекувајте да се случи спонтанo и планирајте, иницирајте секс;

 - идеално е да имате „доволно добар“ секс со оглед на возраста и здравјето.

Прочитајте и Вие прашувате, македонски сексолог одговара: „Се шири ли вагината од премногу секс?“

2. „Дали е во ред да мастурбираш секој ден?“

Во ред е да се мастурбира секој ден.

Тоа е дополнување, истражување на личното задоволство кога сме во пар или запознавање со полова активност во пубертет.

Но, може да премине во опсесија кога се прави непрекинато, да ни причинува стрес и влијае на работата, животот и да доведе до финансиско исцрпување и криза.

Не претерувајте и најдете задоволство со партнерот/ката. Не знам дали сте со помош на онлајн содржина или сами со себе во текот на мастурбацијата, тоа понекогаш има различно влијание на создавање зависност.

Прочитајте и Вие прашувате, македонски сексолог одговара: „Зошто партнерот не сака да има секс со мене откако се породив?“

На вашите прашања одговара д-р Фросина Крстаноска - интернист и хематолог, и член на Европскиот комитет за сексуална медицина (FESCM).

Вработена како клинички сексолог во Аџибадем Систина

©CRNOBELO.com Забрането преземање и копирање. Крадењето на авторски текстови е казниво со закон.

фото: freepik.com