10 работи кои ќе ја направат вашата врска посилна (според терапевтите)

Чистењето на домот не треба да е обврска само на едниот партнер, туку на двајцата - ако си помагате, наместо едниот да чисти додека другиот се одмара или е излезен и се забавува, ќе имате многу помалку караници.

Некои врски траат вечно и никогаш не излегуваат од „медената фаза“, но има и такви врски на кои партнерите мора да работат многу за да бидат среќни.

Според терапевтите, за една врска да е силна, а партнерите да се среќни, тие треба да прават компромиси, да ги прифатат маните на другиот, а верувале или не, многу помага ако си легнат во исто време.

Ова се 10 работи (според експертите) кои треба да ги практикувате за да ја направат вашата врска посилна:

Искрена и отворена комуникација

Ако сте искрени, партнерот ќе ги разбере сите ваши стравови, верувања, очекувања и тоа ќе ви даде на двајцата шанса да си кажете отворено ако со нешто не се согласувате.

Комуникацијата не значи дека треба само да зборувате, туку и треба да го слушате партнерот без нешто друго да ви го одвлекува вниманието (на пример мобилниот или серијата што ја гледате во моментот).

Негувајте ги заедничките интереси

Сигурно постојат работи што сакате да ги правите и двајцата (можеби токму тоа и ве споило), како на пример готвење, возење велосипед, планинарење, кампување...

Правете ги почесто овие работи заедно и на тој начин зацврстувајте ја врската.

Комуницирајте и додека сте на работа

Ова не значи дека треба да си праќате пораки на половина час или да се јавувате кај партнерот за секоја ситница, но испратете барем една порака за да му дадете до знаење дека мислите на него/неа.

Обрнете внимание на ситниците

Партнерите понекогаш суптилно сакаат нешто да му покажат или кажат на партнерот, без оглед дали е тоа кога се сами или во друштво.

Затоа, обрнете внимание на говорот на телото, мимиките во погледот, намигањето, движењата на главата... сето ова може да е мал, суптилен знак кој не треба да помине незабележан (во спротивно партнерот може да ви се налути, а да не знаете зошто).

Заедно средувајте го домот

Чистењето на домот не треба да е обврска само на едниот партнер, туку на двајцата.

Ако си помагате еден на друг, наместо едниот да чисти додека другиот се одмара или е излезен и се забавува, ќе имате многу помалку караници (особено оние кои ги поттикнува несоодветната распределба на домашните активности на партнерите во домот).

Продолжува на следната страница...