Љубовта излегува од мода: Партнерите ќе ги одбираме врз основа на генетиката

Оние кои што не сметаат дека љубовта е клучна за избор на партнер, наскоро ќе имаат можност животниот сопатник да го одбираат на основа на компатибилноста на гените.

Имено ДНК тестирањето е се поевтино и научниците сметаат дека за пет до десет години младите ќе може да си ја дозволат оваа анализа за да си го дознаат целокупниот генетски код, а со самото тоа и да си пронајдат соодветен партнер.

На конференцијата Euroscience во Даблин, каде се собрале голем број научници, речено е дека со оглед ан тоа дека луѓето денес многу внимание посветуваат на здравјето, па со самото тоа сакаат и здраво дете, веројатно се повеќе ќе бараат партнер кој што има соодветна ДНК. 

Така, благодарејќи на ДНК анализите, кои што се се поевтини, паровите буквално ќе можат да „бираат“ каква боја на коса сакаат да има нивното дете, каква боја на очи, а ќе може веднаш да дознаат и дали нивното дете ќе има можност да заболи од некое наследно заболување.

Научниците сметаат дека со тоа ќе биде смален бројот на деца кои се раѓаат со Даунов синдром и со други тешки заболувања. Меѓутоа, некои научници не се сложуваат со оваа идеа. Тие сметаат дека општеството е се повеќе опседнато со славни личности, физички совршености и со висока интелигенција, па луѓето со инвалидитет или некое заболување ги гледаат како луѓе со помала вредност. Насоката би требала да биде кон потрагата за нови лекови кои би им помогнале на заболените.