Каков ќе биде сексот зависи и од музиката

Исто како сексот и добрата храна, и музиката благотворно делува на луѓето, а причина за тоа е ослободувањето на хемикалиите одговорни за доброто расположение.

Шекспир напишал дека музиката е храна на љубовта, но не бил единствен кој ги поврзал љубовта и сексот со слушањето музика.

Музиката создава романтично и секси доживување, бидејќи зборовите на песните ја поттикнуваат фантазијата, а ритамот делува на нашите движења. Вкусовите во музиката се различни, но кај повеќето луѓе најдобро поминува филмската музика.

Можеби затоа што нè потсетува на романтични и секси сцени од филмови и хемијата која главните јунаци ја создавале на платното.

Според некои истражувања, љубителите на џезот имаат почесто секс од останатите. Можеби причина за тоа е исклучително еротскиот звук на сакасофонот.

Звукот на џезот е добар за оние кои сакаат да уживаат во бавна предигра, класичната музика се мисли дека го намалува сексуалното возбудување, а музиката за играње поттикнува на танцови движења на телото што е идеално за секс.

R'n'B музиката е совршена за сензуални вечери и споро водење љубов. Мажите кои што немаат храброст со зборови да го покажат своето чувство, можат да ги искористат текстовите на љубовните R'n'B песни и сензуалниот ритам за заведување на партнерката.

За оние кои што сакаат да го менуваат темпото и брзината во текот на сексот, електронската музика може да го претвори еротското дружење во хипнотичко искуство. Според мислењето на повеќето жени и мажи, хеви метал е последниот звук кој би сакале да го слушнат за време на сексот, а истражувањата покажале дека тој вид музика ги прави луѓето понервозни и лути.

На повеќето луѓе им одговара музика чиј ритам е најблизок со отчукувањето на срцето. Освен музиката и звуковите на океанот можат да го разбудат сексуалното возбудување.

Стриптизот во спалната соба задолжително има музичка подлога, а кога слушаат музика жените самите се чувствуваат повеќе секси и повеќе уживаат во своето тело, што е најдобар рецепт за одличен секс.