Зошто лажат фраерите, а зошто жените?

Најновите истражувања покажуваат дека дневно изговараме 2 до 3 лаги, а најмногу ги лажеме оние кои што ни значат и со кои поминуваме најмногу време.

Зошто го правиме тоа?

Најмногу лаги има во љубовните врски, а најголемите се поради неверство и пари (каде и како сме ги потрошиле). Но, добрата вест е дека во повеќето случаи се изговараат таканаречените „бели лаги“ кои ги употребуваме за да не повредиме некого.

Тие нè штитат нас и личноста на која и се наменети, па ги сметаме за пристојни, како што е на пример, благодарам за подарокот кој со задоволство би го фрлиле кога ќе си отидат гостите.

Мажите и жените лажат подеднакво често, но постои разлика во содржината. Жените лажат за оној кого го лажат да се чувствува добро, а мажите за тие да се чувствуваат добро, со исклучоци се разбира, и за едната и за другата страна.

Каква и да е лагата, на сите облици едно им е заедничко, стравот од нешто. Немаат сите храброст да ризикуваат, или да бидат поинакви од повеќето, бидејќи тоа значи да се биде издвоен и неприфатен. Но, додека се тоа ситни лаги кои не ги изговараме со јасна намера да му наштетиме некому, можеме да кажеме дека тоа „поминува“

Но, кога лажењето ни преоѓа во хоби, минливото поминува во проблематично, затоа што цело време се лажеме себеси и веруваме дека сме добри, а на крајот самите се заплеткуваме во мрежата на сопствените лаги, најчесто кога е предоцна и кога сме ги повредиле луѓето околу нас.

Кога повеќе не можеме себеси да се погледнеме „во лице“, тогаш престануваме да лажеме.