Мислите дека сте имале три партнери, кога ...излегува дека биле илјада

Најголемата фармацевтска компанија  LloydsPharmacy смислила речиси ужасен калкулатор кој овозможува да се пресмета со колку луѓе сме дошле во сексуален контакт, сè со цел да се подигне свеста за ширењето на половите болести и големата важност за применување на сигурен секс.

Исто така потсетува и дека сексуално преносливите заболувања може да се пренесуваат преку контакт со кожа, орален секс или преку сексуални играчки.

На пример, калкулаторот покажува дека триесет годишна жена која била со седум партнери преку нив дошла во индиректен полов контакт со повеќе од половина милион луѓе.

Во калкулаторот се внесуваат годините на корисникот, полот, како и бројот на сексуалните партнери. Потоа се бараат податоци за годините кога се имале сексуалните односи, а крајната пресметка се добива со статистичка обработка на податоците за просечниот број на сексуалните партнери поврзани со полот и годините, како и бившите партнери.

Потоа процесот на пресметување се повторува за пет идни генерации партнери и се собира со претходните податоци, што доведува до вкупниот број на сексуални степени на раздвојување, како што научниците ја нарекле пресметката.

Целта на ова истражување е да се намали бројот на заболени од полово преносливи заболувања кој од 2008 година е во постојан пораст.

Ако сакате да проверите со колку партнери индиректно сте имале полов однос, калкулаторот се наоѓа на овој сајт.