Фрази кои тој никогаш нема да ви ги заборави

Иако овие фрази изгледаат многу невино и вообичаено сепак внимавајте кога му ги кажувате на вашиот партнер. Тој нема да ги разбере онака како што вие сте планирале да ги разбере.

Избегнувајте ги или потполно преформулирајте ги:

 Имаш премногу бели влакна на главата

Немојте ниту да се шегувате со него кажувајќи му го тоа. Секој пат кога ќе се погледне во огледало ќе се сети на вашата реченица и тоа лошо ќе се одрази на неговата самодоверба.

Знам дека си несреќен...

Не му го потенцирајте тоа бидејќи тој помислува дека вие го сожалувате. Гледајте да зборувате во множина. Ако веќе нешто тргнало наопаку, бидете заедно несреќни.

Сметаш дека згаснаа искрите меѓу нас?

Што ако тој смета дека одлично сте функционирале до тогаш? Тоа прашање ќе го загрижи и тој ќе мисли дека имате проблем. Затоа заборавете на прашањата од таков тип и пријдете му со разговор.

Мајка ми смета дека треба да побараш друга работа

Во ред е да дискутирате со вашата мајка околу деталите и односите со вашиот сопруг, но немојте нему да му ги кажувате советите на мајка ви. Веројатно тој веќе знае дека му е потребна друга работа и слично.

Добро е додека децата ни се среќни, нели?

НЕ! Ова не сака да го чуе вашиот партнер. Секако дека среќата на децата е на прво место, но пробајте фокусирајте се и на вашиот брак.