10 очигледни знаци дека ТОЈ флертува со вас

Понекогаш е тешко да се прочита „говорот” на телото, но некои знаци сепак морате веднаш да ги препознаете, особено кога станува збор за флертот.

Доколку не сте сигурни дали на некое момче му се допаѓате, проверете дали ќе ги препознаете некои од овие знаци кај него:

1. Пријатна насмевка
Доколку непрекинато ве гледа со пријатна и блага насмевка, тоа со сигурност значи дека му се допаѓате. Имајте предвид дека можеби е срамежлив и „скршете” го мразот со тоа што први ќе му пријдете.

2. Заруменети образи
Особено кога седи со вас образите сè повеќе му руменеат и црвенеат. Зарем има поголем знак од овој? Дефинитивно му се допаѓате.

3. Ве гледа директно во очи
Овој знак може често да биде и двосмислен, па обрнете повеќе внимание на контактот со очи. Колку повеќе умее да го задржи погледот во вашите очи толку повеќе го привлекувате.

4. Ефект огледало
Најчестиот знак кој момците го прават несвесно. Доколку неговото тело ги повторува движењата на вашето тело, тоа упатува на ништо помалку од флерт.

5. Раце на колкови
Со ова тој ја покажува својата самодоверба и интересот кон вас.

6. Допири
Оние „случајни” допири на раката, рамото, косата на девојката се еден од знаците кои упатуваат на флерт и обрнете внимание на нив додека сте заедно.

7. Насочен кон вас
Уште еден сосема јасен начин со кој тој докажува дека му се допаѓате. Набљудувајте го дури седи спроти вас, доколку со телото е сѐ повеќе насочен кон вас тоа значи дека внимателно слуша што говорите.

8. Ширење на зениците
Кога некој ни се допаѓа зениците на нашите очи се шират и обратно. Овој знак никако не може да се прикрие.

9. Поткренати веѓи
Доколку ги поткрева веѓите додека говорите тој дефинитивно е повеќе од пријател.

10. Гестикулации
И неправилното изговарање на зборовите упатува на тоа дека тој е нервозен кога започнува разговор со вас и секако уште еден знак дека му се допаѓате.

Доколку ги препознавате овие знаци не чекајте, туку започнете и вие да флертувате со него, секако доколку ви се допаѓа.

Девојки, имате ли да додадете некој знак кој досега сте го забележале кај момците?