Најголемите грешки кои ги прават жените во сексот

Мажите и жените често грешат во сексуалните врски, а на многумина добро би им дошла лекција за тоа што не треба да прават во креветот. Постојат неколку најголеми грешки  кои ги прават жените со совети за тоа што е потребно за здрав, возбудлив и исполнет сексуален живот.

Грешка бр. 1: Очекувате тој да размислува како жена

Ова е причина за многу фрустрации кај двајцата партнери. Мажите ги збунуваат жените, а жените не ги разбираат мажите. Очекувањето тој да размислува на ист начин е бескорисно губење време, но и голема причина за недоразбирања и тензија.

Совет: Машкиот и женскиот мозок различно функционираат. Затоа, комуникацијата меѓу партнерите е многу важна. Ако мислите дека мажите исто го сфаќаат сексот и дека имаат исти желби и чувства како жените, тоа може дополнително да ви го уништи сексуалното задоволство.

Грешка бр 2: Не очекувајте од партнерот да ви ги чита мислите

Ни партнерот ни некој друг не може да ви ги чита мислите, а ниту вие неговите. Научете со зборови да ги изразувате сексуалните желби и потреби.

Совет: Надминете го срамот. Иако ова е последица  од честото конзервативно воспитување, сексуалната револуција е завршена и можете за сè да зборувате отворено со партнерот. Сексот веќе не е само процес за размножување.

Грешка бр. 3: Недостаток на иницијатива

На многу мажи им е привлечно и секси кога жената ќе ја преземе иницијативата во креветот, но и надвор од него. Јавете му се на работа и кажете му дека сте испланирале романтична вечера. Сигурно видно возбуден ќе се врати дома, а вие може да го дочекате подготвени и облечени во некоја секси долна облека.

Совет: Имате многу можности, па само приспособете го вашиот темперамент и стил. Не мора секогаш да бидете вулгарни, ако тоа не е дел од вашата личност. Понекогаш е доволен и поглед.

Грешка бр. 4: Недостаток на спонтаност

Сексот не мора секогаш да биде најавено случување. Мажите сакаат кога жените се спонтани. Никогаш не се знае што ве чека на крајот, а сите сакаат изненадувања.

Совет: Кога го паркира автомобилот, зграпчете го и почнете да го бакнувате штом влезете дома, прегрнете го наутро и кажете му дека сакате убаво да ви почне денот...

Грешка бр. 5: Водење љубов само во спалната соба

Не само што ова ќе ви досади, туку е и ограничено. Користете ја кујнската трпезарија, троседот, автомобилот, тушот, кадата...

Совет: Монотонијата го убива сексуалниот живот. Немојте да избегнувате нешто што може да го освежи.

Грешка бр. 6: Сексуална контрола

Сексот не е оружје за да го добиете тоа што го сакате. Тој треба да ги зближува луѓето и да им овозможи задоволство. Одбивањето на сексот затоа што сте лути не е добро, но и не значи дека треба да прифатите кога не сте расположени или кога навистина не сакате.

Совет: Ако сами свесно донесете одлука да се воздржите од секс за да го научите на некоја лекција, бидејќи сте се скарале – внимавајте! Сексот не е оружје за манипулација.