Цената на вереничкиот прстен ја открива иднината на бракот?

Општо верување е дека дијамантите се вечни, но новото истражување тврди - што поголем дијамант, толку пократок брак.

Во истражувањето во кое учествувале 3000 Американци кои биле во брак се докажало дека оние кои потрошиле повеќе пари за вереничкиот прстен, имале пократок брак.

Мажите кои потрошиле помеѓу 2.000 и 4.000 долари имале 1.3 пати повеќе шанси за развод, за разлика од оние кои потрошиле помеѓу 500 и 2.000 долари.

Жените пак, чија венчавка чинела околу 20.000 долари и повеќе, имале 3.5 пати поголеми шанси за развод од оние кои имале поскромна венчавка во вредност од 5.000 до 10.000 долари.

Авторите на истражувањето објасниле дека разводите и кавгите се последица на финансискиот стрес кој се случува за време на „совршениот ден.“

Оние кои трошат без размислување дали може да си го дозволат тоа или не, големи се шансите дека еден ден ќе зажалат.

Но, зошто сепак паровите трошат повеќе пари отколку што имаат само за еден ден?

Истражувачите вината ја префрлија на стручните планери на венчавки, кои во последните 50 години создале нови стандарди кои тврдат дека раскошните венчавки се гаранција за среќен брак.

Се согласувате? Колку вие потрошивте за вашиот посебен ден?